Antrostomus arizonae, ye una especie d'ave caprimulgiforme de la familia Caprimulgidae atopada nel suroeste d'Estaos Xuníos y Méxicu.
Esta ave primero arrexuntóse col Antrostomus vociferus; sicasí, dambos tipos tienen distintos rangos y vocalizaciones, los güevos tienen distinta coloración y la secuenciación d'ADN amuesa abonda diferenciación pa dixebralos en distintes especies.Chesser, R. T., R. C. Banks, F. K. Barker, C. Cicero, J. L. Dunn, A. W. Kratter, I. J. Lovette, P. C. Rasmussen, J. V. Remsen, Jr, J. D. Rising, D. F. Stotz, and K. Winker. 2010. Fifty-first supplement to the American Ornithologists’ Union Check-list of North American Birds. Auk 127(3):726-744. .
Descripción Los adultos tienen el plumaxe motudu: les partes cimeres son de color gris, negru y marrón y les partes inferiores de color gris y negru. Tienen el picu curtiu y el gargüelu negru. Los machos tienen una mancha blanca debaxo de les puntes del gargüelu y les plumes esternes de la cola blanques; na fema, estes partes son de color marrón claru.
Ecoloxía Habita nos montes del suroeste d'Estaos Xuníos y Méxicu. Aliméntase na nueche, captura inseutos en vuelu, y de normal duermen mientres el día. Añeren nel suelu, en llugares avisiegos ente les fueyes muertes y polo xeneral ponen dos güevos.
Subespecies Reconócense cinco subespecies: Antrostomus arizonae arizonae – suroeste d'Estaos Xuníos al centru de Méxicu. Antrostomus arizonae setosus – este de Méxicu. Antrostomus arizonae oaxacae – suroeste de Méxicu. Antrostomus arizonae chiapensis – sureste de Méxicu y les tierres altes de Guatemala. Antrostomus arizonae vermiculatus – tierres altes d'Hondures y El Salvador.
Referencies
Enllaces esternos
arizonae Categoría:Aves d'América del Norte Categoría:Aves d'América Central Categoría:Animales descritos en 1881