Buteo poecilochrous, ye una especie d'ave accipitriforme de la familia Accipitridae.. Tradicionalmente consideróse-y como una subespecie del Buteo polyosoma, col que comparte territoriu, pero dellos autores catalogáronlu como una nueva especie.
Ye una ave sedentaria qu'habita nes zones altes del Cordal de los Andes, dende'l sur de Colombia, hasta'l norte d'Arxentina y llanures de la Pampa. En Chile ye un visitante ocasional. El so hábitat son les zones semiárides, praderíes y monte baxu, ente los 900 y los 5000 m d'altitú
Mide ente 51 y 61 cm de llargor, tien un valumbu d'ente 125 y 150 cm y pesa en redol a los 1 000 gr. La fema ye llixeramente más grande que'l machu y el so plumaxe ye bien asemeyáu ente dambos y tamién col del Buteo polyosoma, siendo frecuente la esistencia de plumaxes de tres fases distintes (claru, escuru y barráu).
La so alimentación inclúi más variedá de preses que'l Buteo polyosoma, tantu en tamañu, como en tipos: inseutos, canesbes, güevos, reptiles y anfibios, aves y pequeños mamíferos formen parte habitual de la so dieta.
Referencies
Enllaces esternos
Categoría:Aves d'América del Sur Categoría:Animales descritos en 1879 Categoría:TBSpecies