Campephilus melanoleucos ye una especie d'ave piciforme de la familia de los picatueros (Picidae), que s'atopa dende'l sur de Panamá hasta'l norte d'Arxentina y en Trinidá.
Descripción Ye un picatueru grande, que mide ente 33 y 38 cm de llargor y pesa en permediu 250 g. El machu presenta a cabeza y copete coloraos, con una mancha blanca na base del picu. La fema tien la corona y la parte de tras de la cabeza negres y una llarga llinia blanca ente los güeyos y la base del picu. Tien una franxa blanca a cada llau del pescuezu, que va hasta les escapulares. L'envés ye negru con una “V” blanca. El gargüelu, la parte anterior del pescuezu y el pechu son negru uniforme. El banduyu ye blancu parduzo con rayes negres.Pica-pau-de-topete-vermelho; WikiAves.
Alimentación Aliméntase de canesbes d'inseutos que viven escondíes detrás de les corteces d'árboles secos. Tamién comen frutos.
Reproducción Fai'l so nial escavando na parte alta de tueros d'árboles secos o palmeres. La fema pon 2 a 3 güevos blancos y brillosos.
Vezos Vive en pareyes o en grupos d'hasta 5 individuos. Ye común n'árees campestres arbolíos, carbes, palmes, bosque de galería.
Referencies
Enllaces esternos
Melanoleucos Categoría:Aves d'América del Sur