Colius leucocephalus ye una especie d'ave coliforme de la familia Coliidae que vive n'África Oriental.
Descripción Mide alredor de 32 cm de llargu, incluyida la so llarga cola, que supón la metá del so llargor total. El so plumaxe ye principalmente abuxáu, con un mestu y finu llistáu negru y ablancazáu nel pescuezu, el pechu y el mantu. Sicasí'l so moñu y mexelles son de color blancu. Amás tien una llista blanca nel llombu que se fai visible solo cuando ta volando. Alredor del güeyu tien una zona ensin plumes de piel escuro. El so picu ye ablancazáu azuláu na parte cimera y ablancazada amarellentada na inferior. Los xuveniles tienen el gargüelu y el pechu anteados.
Distribución y hábitat Alcuéntrase nel sur del Cuernu d'África y rexones cercanes, distribuyíu por del sur de Somalia, Kenia, el norte de Tanzania y l'estremu sur d'Etiopía. Habita nes zones de carba greba hasta los 1400 metros d'altitú.
Subespecies Reconócense les siguientes subespecies según un orde filoxenéticu de la llista del Congresu Ornitolóxicu Internacional:GILL, F.; DONSKER, D. (Eds.) (2013). Finches, NW warblers & orioles. IOC World Bird List (v.3.5). C. leucocephalus turneri Someren, 1919 C. leucocephalus leucocephalus Reichenow, 1879
La subespecie nortiza (C. l. turneri) ye más escura que la del sur (C. l. leucocephalus).
Referencies
Bibliografía Sinclair, Ian & Ryan, Peter (2003) Birds of Africa south of the Sahara, Struik, Cape Town. Zimmerman, Dale A.; Turner, Donald A. & Pearson, David J. (1999) Birds of Kenya & Northern Tanzania, Christopher Helm, Londres.
Enllaces esternos
Kenya Birds: White-headed Mousebird
Categoría:Aves del África subsaḥariana Leucocephalus