L'andarón palmeru asiáticu o andarón asíatico(Cypsiurus balasiensis), ye una especie d'ave apodiforme de la familia Apodidae. Ye bien similar al Cypsiurus parvus (andarón palmeru africanu) y de fechu yeren consideraos tradicionalmente como una única especie.
Ye una especie común en toa'l Asia tropical, dende la India, hasta les Filipines. Habita en zones abiertes y campos de cultivu, sobre manera en plantíos de palma aceitera yá que fai los sos niales na parte inferior de les fueyes de palmera, pegándolos con cuspiaBirds of India by Grimmett, Inskipp and Inskipp, ISBN 0-691-04910-6.
Mide 13 cm de llargor y pesa alredor de los 20 gr. El so plumaxe ye de color marrón maciu y les sos ales son llargues, estreches y con una flecha pronunciada, lo que-yos da un aspeutu de bumerán. La cola ye llarga y tien una fonda forqueta, anque de normal caltenla zarrada. Tocantes a la so morfoloxía, dambos sexos son bien similares.
Gallería
Referencies
Categoría:Apodiformes Categoría:Apodidae Categoría:Aves d'Asia Categoría:Animales descritos en 1829