Dryocopus javensis ye una especie d'ave piciforme de la familia Picidae, habita nos montes de fueya perenne del Asia tropical, incluyendo'l Subcontinente Indiu y el sureste d'Asia. Munches subespecies de les islles tán en peligru y dalgunes yá s'escastaron. Les poblaciones difieren na distribución y estensión del color blancu nel plumaxe. Alcuéntrase ente los más grandes picatueros asiáticos y añeren en grandes árboles muertos, de cutiu a la vera de los ríos. Los sos tamborileos y llamaes son más fuertes que los de los picatueros más pequeños.
Subespecies Reconócense les siguientes subespecies: D. j. cebuensis Kennedy, 1987–islla Cebú. D. j. confusus (Stresemann, 1913)–Luzón. D. j. esthloterus Parkes, 1971 D. j. feddeni (Blyth, 1863)–Tailandia, Laos y Myanmar. D. j. forresti Rothschild, 1922–norte de Myanmar y Sichuan, China. D. j. hargitti (Sharpe, 1884)–Palawan. D. j. hodgsonii (Jerdon, 1840)– alcuéntrase principalmente nos Ghats occidentales, pero tamién ye conocíu nel centru de la India, y nos Ghats orientales. D. j. javensis (Horsfield, 1821)–sur de Tailandia a Borneo. D. j. mindorensis (Steere, 1890)–Mindoro. D. j. multilunatus (McGregor, 1907)–Basilán, Dinagat y Mindanao. D. j. parvus (Richmond, 1902)–Simeulue. D. j. pectoralis (Tweeddale, 1878)–Sámar, Bohol y otres islles. D. j. philippinensis (Steere, 1890) D. j. richardsi Tristram, 1879 –Corea. D. j. suluensis (W. Blasius, 1890)–Sulu.
El picamaderos de Andamán (Dryocopus hodgei) foi tratáu como subespecie nel pasáu. La especie tamién foi asitiada nos xéneros Thriponax y Macropicus nel pasáu.
Referencies
Enllaces esternos
javensis Categoría:Aves d'Asia Categoría:Animales descritos en 1821