Lacedo pulchella ye una especie d'ave coraciforme de la familia Halcyonidae que vive nel Sureste Asiáticu. Ye la única especie del xéneru Lacedo.

Descripción El martín cazador mozu mide unos 20 cm de llargu, tien un picu robezu colloráu y un moñu curtiu que pueden erizar. Presenta un notable dimorfismu sexual en comparanza cola mayoría de los sos parientes. El machu adultu tien la frente, les mexelles y la nuca castañes, y un pileu azul brilloso. El restu de les sos partes cimeros son azules con llistes negres. El so pechu, bandes y la parte inferior de la cola son acolorataos, y el so banduyu ye blancu. Sicasí les femes tienen partes cimeros ablondes llistaes en negru y les inferiores blanques con delles llistes en pechu y bandes. Los xuveniles presenten tonos más apagaos que los adultos del so mesmu sexu, tienen el picu pardo y naranxa, y les partes inferirores llistaes n'escuru.

Distribución y hábitat Atópase nes selves de Myanmar, Tailandia, Camboya, Vietnam, Laos, Malasia, Sumatra, Xava, n'Indonesia y Brunéi. En Singapur escastóse.

Taxonomía Reconocense trés subespecies: L. p. pulchella, la especie nominal cría en Malasia al sur de los 7°N, Sumatra y Java. L. p. amabilis cría dende Malasia septentrional escontra'l norte. Ye llixeramente mayor que la nominal. Los machos tienen la nuca azul y les femes son más acolorataes que pulchella. L. p. melanops cría en Brunéi. Los machos tienen la frente, mexelles y nuca negros.

Comportamientu Ye una especie que s'atopa nes selves de tierres baxes, hasta los 1700 m d'altitú en Brunéi, pero de normal alcuéntrase per debaxo de 1100 m nel restu del so área de distribución.

Aliméntase cazando inseutos y dacuando llagarteses. Xeneralmente atrapa a les sos preses nos árboles anque dacuando tamién baxa al suelu pa cazar.

Añera nos buecos de los árboles, y dacuando nos niales esféricos de les termites arbóreas. La so puesta consta de dos a cinco güevos blancos.

Referencies

Bibliografía

Enllaces esternos

animaldiversity.ummz.umich.edu/ Imaxe en ADW birdsoftheworld.org/ Lacedo pulchella,

Categoría:Halcyonidae Categoría:Aves del Sureste Asiáticu Categoría:Xéneros monotípicos d'aves Categoría:Animales descritos en 1821