Megascops trichopsis, tamién conocíu como tecolote bigotudu o tecolote rítmicu, ye una pequeña ave de presa nocherniega na familia Strigidae, nativu d'América Central y América del Norte.
Descripción Tien una cabeza redonda con guedeyes, güeyos mariellos y un picu amarellentáu. Ye bien similar a M. kennicottii, pero ye llixeramente más pequeñu y tien más manches nel pechu. El color del plumaxe de los adultos asocede en dos variaciones: un plumaxe en que predomina'l gris, o'l marrón o marrón escuro.
Distribución y hábitat El rangu de M. trichopsis inclúi'l centru-norte de Nicaragua, Hondures, El Salvador, Guatemala, Méxicu, hasta'l sur d'Arizona nos Estaos Xuníos. El so hábitat inclúi montes trupos de coníferes o carbayu y cafetales, polo xeneral a un rangu altitudinal mayor que'l de M. kennicottii.
Comportamientu M. trichopsis ye activu mientres la nueche o al atapecer, y utiliza el so escelente oyíu y visión nocherniega p'alcontrar a les sos preses. Suel cazar dende una percha pa llanzase sobre la presa, pero tamién prinda les sos preses mientres el vuelu. Aliméntase principalmente de pequeños mamíferos y grandes inseutos. Saltamontes, escarabayos, y polilles constitúin gran parte de la so dieta.
Davezu añera a un altor de 5 a 7 metros nun cuévanu d'árbol o nel fuexu escavado por picatueros. Polo xeneral pon 3 o 4 güevos n'abril o mayu.
Subespecies Hai 3 subespecies reconocíes: Megascops trichopsis aspersus Brewster, 1888 Megascops trichopsis mesamericanus (Van Rossem, 1932) Megascops trichopsis trichopsis (Wagler, 1832)
Referencies
"National Geographic" Field Guide to the Birds of North America ISBN 0-7922-6877-6 Handbook of the Birds of the World Vol 5, Josep del Hoyo editor, ISBN 84-87334-25-3 "National Audubon Society" The Sibley Guide to Birds, by David Allen Sibley, ISBN 0-679-45122-6
Enllaces esternos
Semeyes de Megascops trichopsis [ Semeyes de Megascops trichopsis]]. VIREO.
trichopsis Categoría:Aves d'América Central Categoría:TBSpecies