Tribonyx ventralis ye una especie d'ave gruiforme de la familia Rallidae endémica d'Australia.
Sinonimia Gallinula ventralis
Descripción thumb|left|250px|Suelen atopase en pequeños grupos. La gallineta patirroja mide alredor de 38 cm de llargu y pesa unos 400 g. El plumaxe de les sos partes cimeros bazcuya ente'l pardu y el pardu verdosu, ente que'l so pechu y banduyu son de color gris azuláu con delles plumes blanques chiscando los lladrales. La so cola, que suel caltener alzada, tien les réctrices de color negru. L'iris de los sos güeyos ye mariellu anaranxáu y el so picu ye amarellentáu, ente que les sos pates son de color coloráu anaranxáu.
Distribución y hábitat Tien la so distribución alredor de los cursos y mases d'agua de lluvia del continente australianu. Ye una especie nómada que busca les fontes intermitentes d'agua según les estaciones. Atópase tol añu nes mases permanentes d'agua tanto duce como salobre. Ta clasificáu como especie so esmolición menor. Ye una divagante rara en Nueva Zelanda.
Reproducción La dómina de cría xeneralmente produzse ente agostu y avientu, o bien cuando les condiciones climátiques son más favorables. Constrúin un nial en forma de concu ente la vexetación cercana a l'agua. Suelen poner ente 5 y 7 güevos de color verde claru que guaren mientres unos 20 díes.
Alimentación Esta especie aliméntase principalmente d'inseutos, plantes y granes.
Referencies
Bibliografía Pizzey, Graham. (1980) A Field Guide to the Birds of Australia. Sydney: William Collins Pty Ltd. ISBN 0-7322-2436-5
Enllaces esternos
Ventralis Categoría:Aves d'Australia Categoría:Animales descritos en 1837