Louis Bertrand Castel   foi un matemáticu y físicu xesuita francés, firme opositor a les teoríes de Newton.

Vida Fíu de Guillaume Castel, médicu en Montpellier, estudió na escuela xesuita de Saint Stanislas en Toulouse. Al acabar los sos estudios ya ingresar na orde de los xesuites, tuvo dando clases por distintes escueles de la orde al sur de Francia, desenvolviendo un vivu interés pola física y les matemátiques.

Los sos escritos llegaron a manes de FontenelleFranssen, páxina 17. y de Tournemine, que persuadieron al xeneral de los xesuites pa treslladalu a París. En París foi profesor nel Llicéu Louis-le-Grand, la principal escuela xesuita de la capital.

De 1720 a 1746 foi editor del Journal de Trèvoux, la revista científica qu'impulsaren los xesuites en defensa del cartesianismu.Franssen, páxina 16.

En 1730 foi escoyíu fellow de la Royal Society y tamién foi miembru de delles academies de ciencies provinciales (les de Lyon, Burdeos, Rouen...).

Obra

En 1724 espublizó'l so primer llibru, el Traité de physique sur la pesanteur universelle des corps, nel que defendía un mecanicismu físicu pero, al contrariu de Newton, imposible d'esplicar solamente con matemátiques.Franssen, páxines 17-18.

La so aportación más orixinal foi'l clavicémbalu ocular. Anque yera editor del Journal de Trèvoux, el primer artículu sobre esti preséu espublizóse nel Mercure de France en payares de 1725.Franssen, páxina 19. Con esti preséu, y basándose na analoxía de los siete notes musicales colos siete colores básicos del espectru cromáticu, podíen tocase colores, yá que, como él afirmaba, esistía una correspondencia natural ente los colores y los tonos.Hankins, páxina 143.

El preséu atraxo l'atención de músicos como RameauChristensen, páxina 109. y Telemann, pero nun aportó a construyise na so totalidá, pese a les exhibiciones de prototipos que fizo en 1730 y en 1734.Franssen, páxina 28.Hankins, págines 146-147.

Referencies

Enllaces esternos

, Complete Dictionary of Scientific Biography. <Encyclopedia.com> (Consultáu'l 21 de payares de 2014)

Categoría:Xesuites de Francia Categoría:Sacerdotes católicos Categoría:Matemáticos y matemátiques de Francia Categoría:Físicos y físiques de Francia Categoría:Miembros de la Royal Society Categoría:Persones de Montpellier