El Principín () ye un cuentu mui famosu del aviador francés Antoine de Saint-Exupéry. Escribiólu mientres taba nun hotel de Nueva York en 1943.
Paez un llibru pa escolinos, pero trata temes profundos como la vida, l'amistá y l'amor. Nel cuentu, Saint-Exupéry imaxínase a sí mesmu nel desiertu d'El Sáḥara onde tuvo que facer un aterrizaxe d'emerxencia y ellí conoz a un príncipe veníu de les estrelles. Nes sos conversaciones con él, l'autor dexa ver la so visión sobre la estupidez de la humanidá y la sabiduría qu'hai na cenciellez de cuando se ye neñu, y que se pierde al crecer.
Saint-Exúpery fixo tamién los dibuxos del llibru.
Traducciones Hai más de 160 traducciones d'El Principín y más de 500 ediciones, y adautaciones fonográfiques, cinematográfiques, operístiques y de dibuxos animaos. El testu foi traducíu al asturianu por Xosé Lluis García Arias y sirvió pa ser lleíu nun programa de Radio Xixón a finales de los años 1970. Depués asoleyóse pola Academia de la Llingua Asturiana, na so coleición Escolín (4ª Ed., xineru 2002, ISBN 84-8168-318-3).
Curiosidaes Un asteroide (el 46610) foi bautizáu col nome de Bésixdouze (B612) n'homenaxe al planeta de El Principín.
Ver tamién Los 100 llibros del sieglu según Le Monde
Referencies
Enllaces esternos Páxina oficial (en francés) El Principín en 100 llíngües con exemplos auditivos (n'inglés) El Principín - Coleición en 225 llingües (n'inglés, n'alemán y en francés)
Categoría:Llibros de 1943 Categoría:Traducciones al asturianu