Gaudapada foi un gurú fundador de la tradición advaita vedanta. Tradicionalmente considérase-y maestru de Govinda Bhagavatpada, quien de la mesma foi maestru de Shankará (una de les figures más importantes nes doctrines hindús). Tamién se cree foi fundador de la Sri Gaudapadacharia Math (escontra 740), en Kavale (Goa), a unos 370 km al sur de Bombay.
Posiblemente yera orixinariu de Caxmir (al noroeste de la India) o de Bengala (na mariña nororiental de la India).Shri Goudapadacharya & Shri Kavale Math (a commemoration volume), páx. 38.
Anque nun hai enforma escritu alrodiu de la so vida, d'alcuerdu a una lleenda, Gaudapada yera fíu de Vishnudatta y Gunavati, una devota familia saraswat bráhmanaKadtala M. Shrinivasa Hariappa Nayak: Rajapura saraswata brahmanara sanskrita itihasa (llibru en canarés). Parkala. en Bhupalam, cerca de Vitta, nel actual distritu de Sangli y el so nome foi Shukadatta.Shri Gaudapadacharya Math Guru Parampara (socesión de maestros nel templu del maestru Sri Gaudapada).Shri Goudapadacharya & Shri Kavale Math (a commemoration volume), páx. 78. Arrenunció a la so vida (esto ye, aceptó la orde de saniasa) a una edá bien nueva y foi al monte nuna llomba cercana en busca de la sabiduría espiritual. Más tarde diría que foi instruyíu direutamente por Dios al traviés de nabhovani (una voz interior) y depués viaxó hasta Badarika Ashrama (nos Himalaya) onde recibió la sabiduría del Vedanta-sutra coles bendiciones del so escritor, el míticu Viasa (I mileniu e.C.).
Obres
Ente les obres qu'escribió Gaudapada, alcuéntrase'l Gaudapada-karika (‘comentariu de Gaudapada’) ―una reseña de la Mandukia-upanishad (una de les 108 Upanishad), de namái 13 versos―, de la mesma estremáu en cuatro llibros llamaos Aduaita-prakarana, Prakarana-agama, Prakarana-vaitathia y Alatasanti-prakarana. Na actualidá considérase que los cuatro llibros fueron escritos por cuatro maestros distintos.
Dellos siguidores de la so doctrina prefieren dicir ―ensin apurrir prueba dalguna― qu'él nun empecipió esta tradición, sinón que con él empezó la mánava-sampradaia (tresmisión d'enseñanza al traviés de seres humanos), qu'antes d'él esta tradición de xuru yá esistía.Vidya-AshramVidyaOrder.org.
Dellos escritores creen que Gaudapada foi orixinalmente budista, yá que'l so llinguaxe amuesa signos de familiaridá colos testos budistes.Según el sitiu OshoGulab.com.
Referencies
Enllaces esternos (Gaudapada gita, el gran karika sobre la Mandukya-upanishad, versión comentada, n'español).
Categoría:Relixosos y relixoses Categoría:Escritores de la India Categoría:Cultura de Jammu y Caxmir Categoría:Filósofos y filósofes de la India