Antoni Gaudí i Cornet Esiste ciertu discutiniu sobro si nació en Reus o en Riudoms, llocalidá cercana a Reus d'onde yera orixinaria la so familia paterna. Sicasí, la mayoría d'especialistes enclínense por Reus: "Gaudí nació, según la mayor parte de versiones, na cai San Juan, al pie de la plaza Prim de Reus (...) Sicasí, más llueu Gaudí dexó maliciosamente abiertes eses puertes al dar a entender que, ello ye que podía nacer nel taller de so padre, malpenes trespasada la llende del términu municipal de Riudoms". Gijs Van Hensbergen, Antoni Gaudí, p. 33-35. foi un arquiteutu catalán y máximu representante del modernismu catalán.
Gaudí foi un arquiteutu con un sentíu innatu de la xeometría y el volume, según una gran capacidá imaxinativa que lu dexaba proyeutar mentalmente la mayoría de les sos obres enantes de pasales a planos. Ello ye que poques vegaes facía planos detallaos de les sos obres; prefería recrealos sobro maquetes tridimensionales, moldiando tolos detalles según diba escurriendo mentalmente. N'otres ocasiones, diba improvisando sobro la marcha, dando instrucciones a los sos collaboradores sobro lo qu'habíen de facer.
Dotáu d'una fuerte intuición y capacidá creativa, Gaudí concebía los sos edificios d'una forma global, atendiendo mesmo a les soluciones estructurales qu'a les funcionales y decoratives. Estudiaba hasta'l más mínimu detalle de les sos creaciones, integrando na arquiteutura toa una riestra de trabayos artesanales qu'él mesmu llevaba a la perfeición: cerámica, vidriería, forxa de fierro, carpintería, etc. Coles mesmes, introdució nueves téuniques nel tratamientu de los materiales, como'l so famosu “trencadís” fechu con pieces de cerámica de refugaya.
Dempués d'unos principios influyíu pol arte neogóticu, según ciertos enclinos orientalizantes, Gaudí desaguó nel modernismu na so dómina de mayor fervencia, ente finales del sieglu XIX y principios del XX. Sicasí, l'arquiteutu reusense foi más alló del modernismu ortodoxu, creando un estilu personal basáu na observación de la naturaleza, frutu del cual foi'l so usu de formes xeométriques reglaes, como'l paraboloide hiperbólicu, l'hiperboloide, l'helicoide y el conoide.
L'arquiteutura de Gaudí ta marcada por un fuerte sellu personal, carauterizáu pola busca de nueves soluciones estructurales, que llogró dempués de toa una vida dedicada al analís de la estructura óptima del edificiu, integráu na so redolada y siendo una síntesis de toles artes y oficios. Per aciu del estudiu y la práutica de nueves y orixinales soluciones, la obra de Gaudí va rematar nun estilu orgánicu, inspiráu na naturaleza, pero ensin perder la esperiencia apurrida por estilos anteriores, xenerando una obra arquiteutónica que ye una simbiosis perfeuta de la tradición y l'anovamientu. Coles mesmes, tola so obra ta marcada poles que fueron los sos cuatro grandes pasiones na vida: l'arquiteutura, la natura, la relixón y l'amor a Cataluña.naturaleza/ Gaudí: Mecánica y forma de la naturaleza
La obra de Gaudí algamó col pasu del tiempu un ampliu espardimientu internacional, siendo innumberables los estudios dedicaos a la so forma d'entender l'arquiteutura. Güei día ye almiráu tanto por profesionales como pol públicu en xeneral: la Sagrada Familia ye anguaño unu de los monumentos más visitaos d'España.La Sagrada Familia de Barcelona peracaba los preparativos pa la so apertura al cultu Ente 1984 y 2005 siete de les sos obres fueron consideraes Patrimoniu de la Humanidá pola Unesco.
Biografía thumb|right|250px|Casa natal de Gaudí, según dalgunes versiones, nel Carrer Sant Vicenç i Alegre de Reus. thumb|250px|right|El Mas de la Calderera, casa familiar de los Gaudí en Riudoms. Nacencia, infancia y estudiu Antoni Gaudí nació en 1852, fíu del industrial caldereru Francesc Gaudí i Serra (1813-1906) y d'Antònia Cornet i Bertran (1819-1876). Yera'l menor de cinco hermanos, de los que namái llegaron a edá adulta trés: Rosa (1844-1879), Francesc (1851-1876) y Antoni. Los oríxenes familiares de Gaudí remonten al sur de Francia, n'Auvernia, dende onde unu de los sos antepasaos, Joan Gaudí, vendedor ambulante, pasó a Cataluña nel sieglu XVII; l'apellíu nel so orixe podría ser Gaudy o Gaudin.Joan Castellar-Gassol, Gaudí, la vida d'un visionari, p. 13.
Desconózse'l llugar esautu de la nacencia de Gaudí, yá que nun se caltién nengún documentu que lu especifique, esistiendo un discutiniu ente Reus y Riudoms (dos conceyos vecinos y colindantes de la contorna del Baix Camp) sobre la llocalidá nataliega del arquiteutu. Sicasí, na mayoría de documentos de Gaudí, tanto de la so dómina d'estudiante como nos de la so dómina profesional, figura como nacíu en Reus. Sicasí, el mesmu Gaudí manifestó en diverses ocasiones que yera de Riudoms, llugar d'orixe de la so familia paterna.Cásique hasta 1915 Gaudí conseñó en tolos sos documentos como llugar de nacencia Reus, pero a partir d'entós declaróse fíu de Riudoms; el motivu podría ser el desapegu xeneráu pol refugu del so proyeutu de restauración del santuariu de la Misericordia de Reus. Joan Bassegoda, El gran Gaudí, p. 552. Lo que sí ye seguro ye que foi bautizáu na ilesia prioral de Sant Pere Apòstol de Reus el día dempués de la so nacencia. El nome que consta na so partida de bautismu ye Antoni Plàcid Guillem Gaudí i Cornet.Ana Mª Férrin, Gaudí, de piedra y fuego, p. 61.
Fuera como fuere, Gaudí sintió un gran apreciu pola so tierra natal, lo qu'evidenciaba nel so gran mediterraneísmu, fechu qu'influyó notablemente na so arquiteutura: Gaudí dicía que los pueblos mediterráneos tienen un sentíu innatu del arte y el diseñu, que son creativos y orixinales, mientres que los pueblos nórdicos son más téunicos y repetitivos. En pallabres del propiu Gaudí:
thumb|200px|Gaudí (al fondu) col so padre (centru), la so sobrina Rosa y el doctor Santaló nuna visita al Montserrat (1904). La estancia na so tierra natal sirvió-y, coles mesmes, pa conocer y estudiar fondamente la natura, sobre manera nes sos estancies braniegues nel Mas de la Calderera, la casa de los Gaudí en Riudoms. Gustába-y el contautu cola naturaleza, polo que darréu fíxose miembru del Centru Escursionista de Cataluña (1879), entidá cola que realizó numberosos viaxes per toa Cataluña y el sur de Francia. Tamién prauticó mientres un tiempu la equitación, y hasta la so vieyera caminaba unos diez quilómetros diarios.Joan Bergós, Gaudí, l'home i l'obra, p. 31.
El pequeñu Gaudí yera de naturaleza encoxigada, y careció reumatismu dende neñu, lo que-y tresmitió un calter un tanto amorráu y reserváu.Gijs Van Hensbergen, Antoni Gaudí, p. 36. Quiciabes por eso, de mayor conviértese en vexetarianuFrommer's Barcelona, 2nd Edition. Peter Stone (2007). ISBN 978-0-470-09692-5History of Vegetarianism - Antoni Gaudi (1852-1926) y en partidariu de les teoríes hixenistes del doctor Kneipp.Gijs Van Hensbergen, Antoni Gaudí, p. 162. Por cuenta d'estes creyencies –y por motivos relixosos–, n'ocasiones fai ayunos perduros, tanto que n'ocasiones ponía en peligru la so propia vida, como en 1894, añu en que cayó gravemente enfermu por mor d'un enllargáu ayunu.Joan Castellar-Gassol, Gaudí, la vida d'un visionari, p. 95.
Realizó los sos primeros estudios nel parvulariu del maestru Francesc Berenguer, padre del que sería unu de los sos principales collaboradores, y depués pasó a los Escolapios de Reus; destacó en dibuxu, collaborando col selmanariu El Arlequín. Tamién trabayó mientres un tiempu como aprendiz na fábrica testil “Vapor Nou” de Reus. En 1868 treslládase a Barcelona pa cursar enseñanza media nel Conventu del Carme de la ciudá condal. Na so adolescencia tuvo cercanu al socialismu utópicu, realizando xunto con dos compañeros d'estudios, Eduard Toa i Güell y Josep Ribera i Sans, un proyeutu de restauración pal Monesteriu de Poblet que lu convertiría nun falansteriu utópicu-social.Joan Bassegoda, Gaudí o espacio, luz y equilibrio, p. 35.
Ente 1875 y 1878 realizó'l serviciu militar nel Arma d'Infantería en Barcelona, siendo destináu a Alministración Militar. Pasó la mayor parte del tiempu rebaxáu de serviciu por causa de la so mala salú, polo que pudo siguir colos estudios. Gracies a ello nun tuvo qu'entrar en combate, pos coincidió neses feches cola Tercer Guerra Carlista.Joan Bassegoda, El gran Gaudí, p. 24-25. En 1876 tuvo llugar el murniu socesu de la muerte de so madre, a los 57 años, amás de la del so hermanu Francesc a los 25, médicu acabante titular que nun llegó a exercer.
Cursó arquiteutura na Escuela de la Llotja y na Escuela Téunica Cimera d'Arquiteutura de Barcelona, onde graduó en 1878. Al empar de les asignatures d'arquiteutura asistió a clases de francés y delles asignatures d'Historia, Economía, Filosofía y Estética. El so espediente académicu foi regular, con dalgún qu'otru suspensu; Gaudí esmolecíase más de los sos propios intereses que de les asignatures oficiales.Joan Bassegoda, Gaudí o espacio, luz y equilibrio, p. 14-15. Elies Rogent, direutor de la Escuela d'Arquiteutura de Barcelona, dixo nel momentu d'otorgá-y el títulu:
Pa pagase la carrera, Gaudí trabayó como delliniante pa diversos arquiteutos y constructores, como Leandre Serrallach, Joan Martorell, Emili Sala Cortés, Francisco de Paula del Villar y Lozano y Josep Fontserè.Joan Bassegoda, Gaudí o espacio, luz y equilibrio, p. 36. Quiciabes por eso, al recibir el títulu, Gaudí, col so irónicu sentíu del humor, comentó al so amigu l'escultor Llorenç Matamala:
Proyeutos de carrera 150px|Proyeutu de Puerta del cementeriu 150px|Proyeutu d'embarcaderu 150px|Proyeutu de Fonte pa la plaça Catalunya de Barcelona 150px|Paraninfu universitariu 1875-Proyeutu de Puerta del cementeriu.
Con esti dibuxu fechu a l'acuarela, Gaudí va recibir la nota d'escelente, en setiembre del cursu de 1875, yá que na convocatoria de xunu quixo presentar una xarré fúnebre, proyeutu qu'abandonó pola engarradiella col caderalgu August Font. 1876-Proyeutu d'Embarcaderu.
Esti proyeutu d'un embarcaderu real xunto a un llagu, fízolu pa presentalu al premiu especial d'un esame estraordinariu, que nun consiguió. 1877-Proyeutu de Fonte pa la plaça Catalunya de Barcelona.
Constaba d'una gran fonte, qu'ocuparía'l solar de la plaza cásique por completo y tenía un altor de cuarenta metros. Amuesa los conocimientos sobro fierro forxao qu'adquiriera gracies a los trabayos fechos con Josep Fontserè nel parque de la Ciutadella. 1877-Proyeutu fin de carrera: Paraninfu universitariu.
Nesti proyeutu del esame de reválida recibió la calificación mínima d'«aprobáu por mayoría».
Madurez y llabor profesional thumb|200px|Detalle de les faroles de la Plaza Real. thumb|left|120px|Vitrina pa la Guantería de Comella. thumb|200px|Gaudí y Eusebi Güell de visita na Colonia Güell (1910). Los sos primeros proyeutos fueron los de les Faroles de la Plaza Real, el proyeutu irrealizáu de Quioscos Girossi y la Cooperativa Obrera Mataronense. Col so primer encargu importante, la Casa Vicens, Gaudí empieza a adquirir sonadía, y recibe encargos cada vuelta de mayor valumbu. Na Esposición Universal de París de 1878 Gaudí espunxo una vitrina fecha pa la Guantería Comella. El diseñu modernista, al empar funcional y estéticu de la obra, impresionó al industrial catalán Eusebi Güell que, al so regresu, contautó col arquiteutu pa encamenta-y dellos proyeutos que tenía en mente. Empezó asina una llarga amistá y un granible mecenalgu que dio orixe a delles de les más destacaes obres de Gaudí: les Bodegues Güell, los Pabellones Güell, el Palaciu Güell, el Parque Güell y la Cripta de la Colonia Güell. D'esta miente, rellacionóse tamién col marqués de Comillas, suegru del conde Güell, pal que realizó El Caprichu de Comillas.