Susan Brownell Anthony foi una feminista y sufraxista d'Estaos Xuníos. Defensora de los derechos civiles, xugó un importante papel na llucha polos derechos de la muyer y el derechu de votu femenín nel sieglu XIX n'Estaos Xuníos.
Foi presidenta de l'Asociación Nacional pro Sufraxu de la Muyer, organización que creó xunto a Elizabeth Cady Stanton. El so oxetivu yera demostrar que les muyeres yeren capaces de caltenese xuníes so la única base de la so "womanhood" o identidá de xéneru. El so ésitu foi tal qu'en 1925 arrexuntaba a trenta y seis millones de muyeres pertenecientes a asociaciones feministes de tolos países.
Susan Anthony y otres 14 muyeres consiguieron rexistrase pa les eleiciones presidenciales de 1872 y votar. Fueron arrestaes una selmana dempués por votar illegalmente.
Viaxó dellos miles de quilómetros al traviés de los Estaos Xuníos y Europa dando de 75 a 100 discursos per añu sobre'l sufraxu y el derechu de la muyer al mesmu mientres 45 años aproximadamente. Viaxó en carruaxes, vagones, trenes, mules, bicicletes, dilixencies, tresbordadores y, n'ocasiones, en trinéos.
Finó en Rochester, Nueva York, el 13 de marzu de 1906. Anguaño, los sos restos atópense soterraos nel campusantu de Mount Hope.
Referencies
miniaturadeimagen|Páxina 2 de la carta escrita por Susan B. Anthony a favor del Derechu de Votar de la Muyer
Categoría:Feministes d'Estaos Xuníos Categoría:Políticos y polítiques d'Estaos Xuníos Categoría:Activistes feministes Categoría:Historia del feminismu Categoría:Sufraxistes d'Estaos Xuníos