William Henry Bragg foi un físicu y profesor universitariu inglés gallardoniáu en 1915 col Premiu Nobel de Física xunto col so fíu William Lawrence Bragg.
En 1906 foi escoyíu miembru de la Royal Society. En 1920 foi honráu caballeru (sir). En 1928, escoyíu presidente de l'Asociación Británica pal Progresu de les Ciencies y en 1935 de la Royal Society, cargu qu'ocupó hasta 1940.
Biografía Estudió nel King William's College (na Islla de Man), y nel Trinity College de Cambridge. Foi profesor de física y matemátiques na Universidá d'Adelaide (Australia, 1886-1908), na Universidá de Leeds (1909-1915), na d'Universidá de Londres (1915-1923). Dende 1923 foi profesor de química nel Real Institutu de Gran Bretaña (1923-1942) y direutor del llaboratoriu d'investigación Davy-Faraday .
Investigaciones científiques Xunto col so fíu William Lawrence Bragg, formuló la llei de reflexón de los rayos X d'un llonxitú d'onda determinada cuando inciden nuna superficie cristalina. Escurrieron l'espectrógrafu de rayos X, que-yos dexó determinar la posición de los átomos en delles clases de cristales.
En 1915 dambos recibieron el premiu Nobel de Física, siendo la primer vegada qu'asocedía'l fechu de qu'un padre y el so fíu recibieren el premiu Nobel.
Ente les sos obres merecen ser reseñaes The World of Sound (1920), Concerning the Nature of Things (1925) y The Universe of Light (1933).
Referencies
Enllaces esternos
Páxina web del Institutu Nobel, Premiu Nobel de Física 1915 (n'inglés)
Categoría:Físicos y físiques del Reinu Xuníu Categoría:Premiu Nobel de Física Categoría:Medaya Copley Categoría:Cristalógrafos y cristalógrafes Categoría:Miembros de la Royal Society