Murray Gell-Mann ye un físicu d'Estaos Xuníos. Estudió na Universidá de Yale y nel Institutu Teunolóxicu de Massachusetts. Profesor dende 1955 na Institutu de Teunoloxía de California (Pasadena), onde desempeñó dende 1967 la cátedra de Física Teórica, foi miembru de la NASA dende 1964.
Dióse-y el Premiu Nobel de Física en 1969 polos sos descubrimientos sobre partícules elementales. La teoría de Gell-Mann apurrió orde al caos que surdió al afayase cerca de 100 partícules nel interior del nucleu atómicu. Eses partícules, amás de los protones y neutrones, taben formaes por otres partícules elementales llamaes quarks. Los quarks caltiénense xuníos gracies al intercambiu de gluones. Xunto con otros investigadores construyó la teoría cuántica de quarks y gluones, llamada cromodinámica cuántica.
Amás de la ciencia, al profesor Gell-Mann interesáben-y otros campos como la lliteratura, la historia natural, la llingüística histórica, arqueoloxía, historia o psicoloxía.
Murray Gell-Mann ye l'autor de The Quark and the jaguar, Adventures in the simplex and the complex (El quark y el xaguar. Aventures no simple y lo complexo), un ensayu de divulgación científica con calter autobiográficu.
Ver tamién Quark Mecánica cuántica Matrices de Gell-Mann
Referencies
Enllaces esternos
Páxina personal de Gell-Mann's en SFI
Categoría:Premiu Nobel de Física Categoría:Físicos y físiques d'Estaos Xuníos Categoría:Premiu Nobel d'Estaos Xuníos Categoría:Miembros de la Royal Society Categoría:Físicos teóricos Categoría:Persones de Nuevu Méxicu