Jean-Claude Killy ye un esquiador retiráu que ganó tres Medalles d'Oru Olímpicu (3 Medayes en total), seis Campeonatos del Mundu (6 Medayes en total), dos Xenerales de la Copa del Mundu (y cuatro Copes del Mundu en distintes disciplines) y quince victories na Copa del Mundu d'Esquí Alpín (con un total de 21 pódiums).
Biografía
Killy ganó la triple corona del esquí alpín con 3 Medayes d'Oru nos Xuegos Olímpicos de Grenoble 1968 (Francia) nes modalidaes d'Eslalon, Eslalon Xigante y Descensu. Enantes Killy foi un ganador de la Copa del Mundu d'esquí alpín nos años 1967 y 1968.
Tamién protagonizó una película en 1972 llamada Snow Job na que tenía un papel de profesor d'esquí. Les estaciones d'esquí de Val d'Isère y Tignes fueron renombraes como l'Espace Killy nel so honor.
Dende 1977 hasta 1994 foi un miembru del comité executivu d'esquí alpín de la Federación Internacional d'Esquí.
Jean-Claude Killy tuvo tamién una curtia carrera como pilotu de carreres ente 1967 y 1970 participando nel Rally París-Dakar. Killy sirvió como presidente de la sociedá del Tour de Francia ente 1992 y 2001, y tamién foi co-presidente de los Xuegos Olímpicos d'Albertville 1992. Dende 1995 ye miembru del Comité Olímpicu Internacional.
Nel añu 2000 foi-y dada la Lexón d'Honor, la condecoración más importante en Francia.
Resultaos Xuegos Olímpicos d'Iviernu 1964 en Innsbruck, Austria Eslalon Xigante: 5º
1968 en Grenoble, Francia Descensu: 1º Eslalon Xigante: 1º Eslalon: 1º
Campeonatos Mundiales 1966 en Portillo, Chile Descensu: 1º Combinada: 1º Eslalon Xigante: 5º
1968 en Grenoble, Francia Descensu: 1º Eslalon Xigante: 1º Eslalon: 1º Combinada: 1º
Copa del Mundu Clasificación Xeneral Copa del Mundu 1966-1967: 1° 1967-1968: 1º
Clasificación por Disciplines (Top-10) 1966-1967: Descensu: 1º Eslalon Xigante: 1º Eslalon: 1º
1967-1968: Eslalon Xigante: 1º Descensu: 2º Eslalon: 2º
Victories na Copa del Mundu (15) Descensu (5)
Fecha Llugar 14 de xineru de 1967 Wengen 24 de xineru de 1967 Kitzbühel 27 de xineru de 1967 Megeve 3 de marzu de 1967 Sestriere 10 de marzu de 1967 Franconia
Eslalon Xigante (6)
Fecha Llugar 9 de xineru de 1967 Adelboden 12 de marzu de 1967 Franconia 19 de marzu de 1967 Aspen 25 de marzu de 1967 Jackson Hole 8 de xineru de 1968 Adelboden 10 de marzu de 1968 Meribel
Eslalon (4)
Fecha Llugar 15 de xineru de 1967 Wengen 22 de xineru de 1967 Kitzbühel 11 de marzu de 1967 Franconia 29 de marzu de 1968 Rossland
Referencies
Enllaces esternos (n'inglés) Reportaxe de Jean-Claude Killy Reportaxe de la BBC sobre Killy (n'inglés)
Categoría:Deportistes de Francia