Les cymodoceacees (nome científicu Cymodoceaceae) son una familia de plantes marines monocotiledónees, de climes más o menos templaos, cuantimás presentes n'Australia. La familia ta ruinamente estudiada y quiciabes tenga de ser fundida con Ruppiaceae, familia de la que ye malo d'estremar. La familia ye reconocida por sistemes de clasificación modernos como'l sistema de clasificación APG III (2009) y el APWeb (2001 d'equí p'arriba). Les fueyes de la familia son serrulaes na punta, la inflorescencia ye un visu, les flores solitaries o en grupos zarraos por bráctees, nun tienen periantu, cuando les plantes son dioicas, les flores masculines tienen dos estames con filamentu, y les femenines dos carpelos.
Xunto con Posidoniaceae, Zosteraceae y Hydrocharitaceae formen praderíes marines qu'alluguen complexos ecosistemes oceánicos, por ello son llamaes "camperes marines".
Descripción Introducción teórica en Terminoloxía descriptiva de les plantes
Son yerbes perennes, glabres, creciendo somorguiaes n'agües marines; tarmos dimorfos, los inferiores monopódicos y rizomatosos con tarmos curtios y erectos nos nuedos, los erectos con 1–poques fueyes; plantes dioiques. Fueyes alternes o subopuestas, estremaes en llámina y vaina; vaina más persistente que la llámina, dexando un repulgu circular al esprendese, axustada, biauriculada, con 3–dellos nervios paralelos y con escames membranacees infravaginales nes axilas, ápiz obtusu, agudu o 2–3-dentáu. Inflorescencia cimosa o de flores solitaries, ensin espata; periantu ausente; flores estaminaes subsésiles o pedunculaes, formaes de 2 anteres, éstes connaes dorsalmente siquier en parte del so llargor y xuníes a los pedúnculos nel mesmu nivel o en niveles distintos, 4-loculares y con dehiscencia llonxitudinal, polen filamentoso; flores pistilaes sésiles o subsésiles, formaes de 2 carpelos llibres, cada unu con un estilu dacuando estremáu en 2–3 estigmes, óvulu 1 por carpelu, pendilexu. Frutu como aqueniu con pericarpo lapiloso, o como drupa con endocarpu lapiloso y mesocarpo carnosu; granes solitaries.
TaxonomíaIntroducción teórica en Taxonomía Ver tamién Filoxenia
La familia foi reconocida pol APG III (2009), el Linear APG III (2009) asignó-y el númberu de familia 42. La familia yá fuera reconocida pol APG II (2003).
Llista de xéneros sensu APWeb (visitáu en xineru del 2009):
Amphibolis Cymodocea Halodule Syringodium Thalassodendron''
Ver tamién
Clasificación de los organismos vexetales
Referencies
Referencies citaes
Enllaces esternos
Bibliografía Fl. Guat. 24(1): 69. 1958; Fl. Pan. 62: 6–9. 1975; Fl. Mesoamer. 6: 15–16. 1994; N. Taylor. Cymodoceaceae. N. Amer. Fl. 17: 31–32. 1909.
Categoría:TBSpecies