Suillus luteus, tamién conocíu como boletu anillado o babosillo, ye un fungu basidiomicetu del orde Boletales bien común en toa Europa. Nun tien preferencia por nengún tipu de suelu, pero crez so les especies del xéneru Pinus, onde se-y atopa con relativa frecuencia. El cuerpu granible apruz dende branu a seronda. Ye una cogorda comestible, anque la cutícula mafosa del sombrerucu puede tener fuertes efeutos laxantes en determinaes persones, polo que ye conveniente retirala. L'epítetu específicu "luteus" significa "mariellu". Toles especies del xéneru Suillus son micorrices de coníferes.
Morfoloxía El sombreru ye de color marrón y de forma convexa, con un diámetru ente 4 y 10 centímetros, pudiendo algamar hasta 12 centímetros d'anchor. La cutícula esaníciase fácilmente, ye mafosa y el so cantu ye endolcáu, pudiendo presentar restos del velo. Los tubos son de color mariellu maciu y cuando l'exemplar ye nuevu atópense cubiertos pol aniellu. Los poros son pequeños y angulosos, mariellos en fases iniciales y parduzos conforme la cogorda avieya. N'exemplares nuevos, pueden segregóse delles gotes llechientes, pero non en tanta cantidá como nel S. granulatus. L'pie mide ente 3 y 8 centímetros de llongura por ente 1 y 2,5 centímetros d'anchu, ye robezu y ablancazáu, cilíndricu y presenta un aniellu ancho y membranoso. La esporada ye de color pardu. La carne ye blanca amarellentada, de golor afrutado y sabor bien poco marcáu.
Posibilidaes de tracamundiu Les cogordes madures pueden confundise coles de Suillus granulatus, tamién comestible.
Bibliografía Asociación Micológica Zamorana, 2005: Cogordes y Rutes Micológicas en Sanabria, Carballeda y los Valles. Ed. ADISAC LA VOZ. Shelley Evans, Geoffrey Kibby, 2004: Guíes de bolsu. Fungos. Ed. Omega. ISBN 84-282-1089-6.
Referencies
Enllaces esternos
Categoría:Suillaceae Categoría:Fungos comestibles Categoría:TBSpecies