.
ye'l nome común d'un fungu micorriza que crez n'Asia, Europa y América del Norte. Ye apreciáu polos xaponeses pol so golor arumosu a especies.
Hábitat y distribución
Los matsutake crecen so los árboles y aliméntense de les fueyes cayíes y otros materiales allugaos nel pisu forestal. Con eso crea una rellación simbiótica colos raigaños de delles especies d'árboles.
Estos fungos crecen comúnmente en China, Xapón, Corea, Finlandia, Suecia, ente otros. En Xapón crez comúnmente cerca d'árboles de pinu coloráu xaponés. Sicasí, nel Pacíficu Noroeste norteamericanu alcuéntrase-y nel monte de coníferes sobre una o más de les siguientes especies: abetu de Douglas, abetu noble, abetu coloráu, pinu d'azucre, pinu ponderosa y Pinus contorta. En California alcuéntrase tamién en frondosas, incluyendo'l Tanoak y el yérbadu.
En 1999, N. Bergius y Y. Danell reportaron que'l Tricholoma nauseosum suecu y el matsutake xaponés son la mesma especie.Eric Danell, The Swedish matsutake and the Japanese matsutake are the same species!, The Edible Mycorrhizal Mushroom Research Group, Department of Forest Mycology and Pathology, Swedish University of Agricultural Sciences. Con esti descubrimientu aumentaron les importaciones del fungu dende Europa del Norte escontra Xapón.
Costu y disponibilidad thumb|left|Songi gui (송이구이), matsutake a planchar, platu coreanu. Los matsutake son difíciles de collechar polo que'l so costu ye bien alto. La producción doméstica en Xapón amenorgóse nos postreros 50 años pola presencia d'un nemátodo de pinu Bursaphelenchus xylophilus. La collecha añal de matsutake en Xapón ye agora menor a les mil tonelaes y ye reforzada con importaciones de Corea, China, el Pacíficu Noroeste norteamericanu (Norte de California, Oregón, Washington y Columbia Británica) y Europa del Norte (Finlandia y Suecia).輸入マツタケに異変 中国産激減、フィンランド参戦, J-CAST, 2007/9/26. (en xaponés) El preciu nel mercáu xaponés depende abondo de la calidá, de la disponibilidad y del orixe. El matsutake xaponés al empiezu de la temporada, que ye'l máximu, puede aumentar a $2.000 el kilogramu. En contraste, el matsutake importáu puede rondar nos $90 el kilogramu.
Ver tamién Himematsutake
Referencies
Enllaces esternos
Pacific Rim Mushrooms - Matsutake Gohan Winema National Forest matsutake-information Hsiao-Ching Chou Fantastic Forage: Wild matsutake mushrooms Seattle Post-Intelligencer (2004.) Robert Sasata Tricholoma matsutake Healing-mushrooms.net Pictures from Japanese matsutake-forests (en suecu)
Categoría:Fungos comestibles Categoría:TBSpecies