250px|left|thumb|Nasáu. Les Bahames ye un país en desenvolvimientu estable, dependiente de la economía basada nel turismu y actividaes bancaries. El turismu namái, supón más del 60% del PIB y emplega direutamente o indireutamente la metá de la mano d'obra del archipiélagu. La crecedera constante del turismu y la puxanza na construcción d'hoteles, de recursos, y de nueves residencies conduxeren a la crecedera sólida del PIB mientres dellos años hasta'l 2006, pero dende aquel añu hebo una cayida nel númberu de turistes.
Los servicios financieros constitúin el segundu sector n'importancia de la economía de Les Bahames, cerca del 15% del PIB. Sicasí, dende avientu de 2000, cuando'l gobiernu decretó nueves regulaciones sobre'l sector financieru, munchos negocios internacionales salieron de Les Bahames. La industria y l'agricultura, contribúin aproximadamente una décima parte del PIB y amuesen poca crecedera, a pesar de los incentivos que'l gobiernu destinó a estos sectores. D'últimes, la crecedera depende del funcionamientu del sector del turismu, que depende de la crecedera nos EE.XX., la fonte de más del 80% de los visitantes. Amás del turismu y de les actividaes bancaries, el gobiernu sofita'l desenvolvimientu d'una "tercer pilastra", el comerciu.
Referencies
Categoría:Economía de Les Bahames