250px|left|thumb|Edificios en Doḥa. La economía de Qatar espolletó nos últimos años con una crecedera elevada continua del PIB real. La crecedera foi impulsada en gran midida polos sectores del petroleu y el gas natural. Sicasí, la crecedera de les manufactures, de la construcción y de los sectores de servicios financieros emburriaron el componente non petroleru a pocu más de la metá del PIB nominal de Qatar per primer vegada dende l'añu 2000.
El petroleu y el gas siguen representando aproximadamente'l 92% de los ingresos d'esportación, y el 62% de los ingresos del gobiernu. El petroleu y el gas fixeron de Qatar el país de más grande renta mundial per cápita y el país col desemplegu más baxu. Les reserves de petroleu conocíes son más de 25 mil millones de barriles, tienen de permitir la esplotación continua nos niveles actuales mientres unos 56 años. Les reserves probaes de gas natural del país perpasen los 25 billones de metros cúbicos, aproximadamente'l 13% del total mundial y la tercera más grande reserva del mundu.
Tres l'ésitu de ser escoyíu pa ser sede de la Copa del Mundu de Fútbol 2022, Qatar ta acelerando los proyeutos d'infraestructura a gran escala, como exemplu la rede de metro de Qatar, sistema de tren llixeru, la construcción d'un puertu nuevu, carreteres, estadios y l'infraestructura deportiva rellacionada. El nuevu aeropuertu internacional de Hamad inauguróse a mediaos de 2014 con una capacidá de pasaxeros añal inicial de 24 millones y con una proyeición de 50 millones cuando tea completu.
Referencies
Enllaces esternos The economist clasificación de países por calidá de vida (2005) (n'inglés) ONX. Índiz de desenvolvimientu humanu per países pa 2005 (n'inglés)
Qatar Categoría:Qatar