Otto Wallach foi un químicu y profesor universitariu alemán gallardoniáu col Premiu Nobel de Química del añu 1910.
Biografía Otto nació en Königsberg, naquellos momentos parte de Prusia, pero qu'anguaño forma parte de Rusia, denominada Kaliningráu.
Estudió química na Universidá de Berlín y Göttingen, y ente 1876 y 1889 foi nomáu profesor de química na Universidá de Bonn. En 1889 abandonó la docencia pa convertise en direutor del Institutu Químicu de la Universidá de Göttingen, cargu qu'ocupó hasta 1915.
Finó'l 26 de febreru de 1931 na alemana ciudá de Göttingen, asitiada nel estáu alemán de Baxa Saxonia.
Investigaciones científiques Foi unu de los primeros químicos que se dedicaron a la investigación química de los terpenoides y les combinaciones alicíclicas, la investigación de les cualos foi de gran influencia nel desenvolvimientu de la química orgánica ya industrial, y especialmente de los arumes y de los aceites esenciales.
En 1910 foi gallardoniáu col Premiu Nobel de Química pola so contribución nel desenvolvimientu de la química orgánica ya industrial.
Referencies
Enllaces esternos
Categoría:Químicos y químiques d'Alemaña Categoría:Profesores d'Alemaña Categoría:Premiu Nobel de Química