Jeremiah Johnson ye una película d'Estaos Xuníos de 1972 del xéneru western dirixida por Sydney Pollack y protagonizada por Robert Redford, basada en parte na vida del home de monte" (mountain man) John "Liver-Eating" Johnson (c.1824-1900; el so llamatu significa "come-fégados").
El guión, de John Milius y Edward Anhalt, ta basáu nos llibros de Raymond Thorp y Robert Bunker Crow Killer: The Saga of Liver-Eating Johnson (El matador d'indios crow: la hestoria de Johnson el Comehígados) y nel de Vardis Fisher Mountain Man (Home de monte).John "Liver-Eating" Johnson: ca. 1824 - 1900.Vardis Fisher: Vardis Alvero Fisher (1895 - 1968). La cinta ta ambientada nel Estáu de Colorado pero foi rodada n'Utah.
Argumentu Mientres la guerra d'Intervención d'Estaos Xuníos en Méxicu (1846-1848), el soldáu Jeremiah Johnson (Robert Redford) va a los Montes Rocosos col propósitu d'abandonar la vida nes ciudaes y cazar animales como osos y castores pa más tarde vender les sos pieles a bon preciu. Entama asina la vida solitaria de los montañeses, na que tien qu'aprender a valise por sigo mesmu y a susbsistir colo qu'atope nel ambiente. De primeres pasa dificultaes, pero consigue l'ayuda d'un vieyu trampero, «Garra d'Osu» Chris Lapp (Will Geer), pa sobrevivir al so primer iviernu.
Darréu forma un llar con una muyer amerindia de la tribu de les cabeces llises, a la que'l so padre llama, en francés, «La Cygne» («Swan», «Cisne» n'inglés, interpretada por Delle Bolton) y con un neñu al qu'adopta y da el nome de Caleb (Josh Albee). Caleb, del que la película nun revela'l verdaderu nome en nengún momentu, había sobrevidido a la masacre de la so familia per parte d'una incursión india. Dempués de que Caleb y Swan fueren asesinaos a manes d'unos indios crow, Johnson empecipia una busca insaciable de vengación.
Repartu Robert Redford: Jeremiah Johnson Will Geer: «Garra d'Osu» Chris Lapp Stefan Gierasch: Del Gue Delle Bolton: «Swan» / «La Cygne» (Cisne) Josh Albee: Caleb Joaquín Martínez: «Camisa colorada pintada» Allyn Ann McLerie: «La muyer lloca» Paul Benedict: Reverendu Lindquist Jack Colvin: Teniente Mulvey Matt Clark: Qualen
Referencies
Enllaces esternos