Valença do Minho, ye una ciudá portuguesa asitiada nel Distritu de Viana do Castelo, región Norte (NUTS II) y subrexón del Minho-Lima (NUTS III), con aproximadamente 8.000 habitantes nel so nucleu principal y 14.127 habitantes (2011) dientro del so términu municipal.
Ye sede del conceyu homónimu con 117,43 km² d'área y , subdividíu en 16 freguesías (parroquies). Llenda al este col conceyu de Monção, al sur con Paredes de Coura, al oeste con Vila Nova de Cerveira y a noroeste y norte con España (conceyu de Tui en Galicia).
Historia Sancho I de Portugal, tres la rotura del matrimoniu de la so fía Teresa con Alfonso IX de Llión, mandó a Paio Carramundo el repoblar y crear un área fortificada frente a la plaza castellana de Tui, denominándola Oldea. Nel añu 1217 la población d'Oldea alzase a concello. Recibió un fueru de Sancho II de Portugal. Recibió'l so nome actual en 1262 por orde del rei Alfonso III de Portugal que decide camudar "Oldea" ("la que queda en frente") por "A valença" ("La valiente"). El nomatu de do Minho vien-y pol Ríu Miño.
En 1809 ye tomada poles tropes de napoleóniques mandaes por Soult. En 1828, na Guerres Lliberales, ye tomada poles tropes partidaries del rei Miguel siendo tomada dos años dempués poles fuercies lliberales con ayuda de tropes ingleses al mandu del almirante Charles Naiper.
A partir del 10 de febreru de 2012 al pie de la ciudá de Tui (España) formen una Eurociudad como muestra de cooperación ya integración ente dambes ciudaes separaes tan solo por dos pontes que traviesen el ríu Miño
Freguesías Les freguesías de Valença son les siguientes: Arão Boivão Cerdal Cristelo Covo Fontoura Friestas Gandra Ganfei Gondomil Sanfins São Julião São Pedro da Torre Silva Taião Valença Verdoejo
Patrimoniu Castillo de Valença, considerada la mayor fortaleza del Altu Miño. Tienen 5 km de perímetru cercáu. Na actualidá ta dedicada al turismu siendo unu de los mayores centros comerciales abiertos d'Europa. Conventu de Ganfei Ilesia de Santa María de los Ánxeles
Xeografía Altitú: 116 metros. Llatitú: 42º 01' 59" N Llargor: 008º 37' 59" O
Referencies
Enllaces esternos
Categoría:Conceyos de Portugal Categoría:Llocalidaes de Portugal