L'albariño ye una variedá d'uva orixinaria de Galicia, España, que s'emplega pa la producción de vinu blanco nesa rexón y, en menor midida, nes rexones españoles de Cantabria, Castiella y Lleón y Cataluña. Nel norte de Portugal conozse como alvarinho o cainho branco y ye abondosu en Monção y Melgaço, nel noroeste del país.Oz Clarke Encyclopedia of Grapes pg 37 Harcourt Books 2001
Historia Hai una lleenda, defendida pol gastrónomu y escritor Álvaro Cunqueiro, que diz que la uva albariño foi llevada a Galicia pelos monxos de la Orde del Císter nel sieglu XII.«Historia: Albariño: un vino con leyenda». La orde fuera fundada nel 1090 na abadía de Citeux, na Côte d'Or de Borgoña. Esos monxos, que proveníen de rexones vitivinícolas de Francia, llantaron viñeos nos valles del Camín de Santiago. Sicasí, les evidencies científiques paecen indicar que la variedá ye orixinaria de Galicia. Nel 2009 Australia afayó que toles hectárees que creíen tener d'albariño (ente 2000 y 3000 ha) yeren en realidá de savagnin blanc.Alfonso Andrade (2 de setiembre de 2009). Los criterios ampelográficos y los analises del ADN han refugaron cualquier rellación.Alfonso Andrade (3 de setiembre de 2009).
Nos años 90 el Centru Cimeru d'Investigaciones Científiques (CSIC) estudió clonar d'albariño qu'había en tola xeografía gallega, contabilizando mediu centenar con más de 200 años d'antigüedá.Elisa Lois (28 de febreru de 2015). En 1993 el CSIC llantó 11 de los meyores clones na parcela de la Misión Biolóxica de Galicia. L'estudiu demostró les diferencies en producción, calidá de la uva, calidá del mostiu y sensibilidá a les enfermedaes de la vide de cada unu. Nos 2000 los trabayos cuntaron con ayuda de la Diputación de Pontevedra y de bodegues como Terra Gauda.A. Aguirre de Cárcer (2 d'ochobre de 2004). En 2012 la Misión Biolóxica de Galicia, el CSIC y el Conseyu Regulador Ríes Baixas roblaron un alcuerdu pa comercializar los cinco primeros clones d'albariño certificaos.Elisa Lois (28 de febreru de 2015).
Viticultura derecha|miniaturadeimagen|Copa de vinu d'albariño. La so dómina de desborre ye precoz y la so dómina de maduración ye tardía. Úsase pa ellaborar vinos monovarietales o vinos d'amiestu. Ye una vide de puxanza media y porte ente semierguido y horizontal. La so fertilidá ye bastante elevada. Requier de terrenos frescos. La conducción de la so crecedera realízase sofitada en emparrado o en gordón. Ye pocu sensible a la botrytis, bien sensible al oídio y abondo resistente al mildiu.
Vinos Los sos vinos tienen una graduación alcohólica elevada y una acidez notable. Tien un gran potencial arumosu afrutado con matices florales. Los sos monovarietales son los vinos blancos más prestixosos de Galicia.Carlos Delgado (4 d'ochobre de 2003). Ye habitual consumilos mozos, anque delles bodegues ellaborenlo con crianza en barrica.Carlos Delgado (1 de payares de 2008).
Dellos enólogos nun considera positivu que dacuando seya demasiáu afrutado y dulzayu.Carlos Delgado (4 d'ochobre de 2003). «Albariño de antaño». Esto puede resolvese cola crianza. Que dellos albariños caltengan esa carauterística empalagosa ye paradóxicu yá que ye de les poques uves blanques españoles que dexa una óptima crianza sobre enguedeyes.
Rexones Según la Orde APA/1819/2007, de 13 de xunu (BOE del día 21), la uva albariño ye una variedá de vide destinada a la producción de vinu encamentada en Galicia y autorizada en Cantabria, Castiella y Lleón y Cataluña.
España produz albariño de forma bien abondosa nel DO Rías Baixas, sobre manera nes llocalidaes de Cambados, Condáu do Tea y Barbanza ya Iria.Oz Clarke Encyclopedia of Grapes pg 36 Harcourt Books 2001 La contorna del Salnés concentra'l 70% de la producción vitivinícola de les Ríes Baixas.M. Alfonso (6 d'avientu de 2015). Nel Dos de Ribeiro y Valdeorras suel entemecese con loureiro, godello, caiño, arinto o treixadura. Estos amiestos fueron comunes en Galicia hasta 1986, cuando se creó'l DO Rías Baixas. A partir d'entós la albariño empezó a resurdir pa vinos monovarietales, tantu pa la demanda española para como pa la internacional.Split Personality , avientu de 2002 Wine Spectator Con esti resurdir de la albariño, estos varietales fueron "esguilando posiciones pa los paladres d'Europa, América y de tolos bebedores de vinu que deseyen sabores llimpios y ricos a fruta maduro" y llevó a la ellaboración de nuevos vinos en Portugal.
Tamién ye común na rexón portuguesa de Vinho Verde, anque solo ta llegalmente establecida nes rexones de Monção y Melgaço. Tamién hai cultivos d'esta variedá en delles árees vitícolas de California, n'Estaos Xuníos.
Sinónimos La albariño tamién ye conocida colos sinónimos albarina, alvarín blancu, alvarinha, alvarinho, azal blancu, galego y galeguinho.Alvharinho, Vitis International Variety Catalogue, consultado del 23 de payares de 2010
Referencies
Enllaces esternos
Categoría:Uves Categoría:Gastronomía de Galicia