Islla Meighen ye una islla pequeña, aisllada y despoblada del archipiélagu árticu canadianu, perteneciente al territoriu autónomu de Nunavut, en Canadá.
Xeografía Islla Meighen, asitiada al oeste d'Islla Axel Heiberg, tien una superficie de 955 km² y ta recubierta per campos de xelu. La islla ta de cutio arrodiada de xelu, y el noroeste de la so mariña abrise al océanu Árticu.
Islla Meighen tien poques islles vecines: a unos 40 km al oeste ta la mayor de les islles cercanes, Islla Axel Heiberg; a apenes 4 km al norte, al traviés del estrechu de Hose, atópase una pequeña islla con forma de media lluna, Islla Perley. Les Islles Fay son cuatro pequeñes islles que s'atopen ente Islla Meighen y la islla de Axel Heiberg na Canal de Sverdrup.Véase en: # meighen
Les mariñes d'islla Meighen son planes, pero nel centru álzase una elevación, formada per llombes permanentemente cubiertes de xelos, siendo la mayor de 150 m d'altor. La superficie de la islla ye principalmente de grava. Mientres la primavera y el branu, pequeños regueros alimentaos pel agua del destemple flúin escontra la mariña.
Historia Islla Meighen foi afayada en 1916 por Vilhjalmur Stefansson, y foi una de les últimes islles ártiques en ser afayada, yá que ta de cutio arrodiada de xelu. Dióse-y el so nome n'honor de Arthur Meighen, primer ministru canadianu. A diferencia de munches islles ártiques canadianes, nun s'atoparon rastros de campamentos de inuit o thule, lo que suxer que la islla nunca foi ocupada, y esto ye probablemente por cuenta de la so estrema llatitú norte.
Referencies y notes
Categoría:Islles de Canadá