La medioluto ibérica (Melanargia lachesis) ye una especie de lepidópteru ditrisio de la familia Nymphalidae y, dientro d'ésta, a la subfamilia Satyrinae. Ye una de les especies d'un xéneru que s'estrema bien claramente del restu de Satyrinae por tener les ales un color predominantemente blancu, con manches negres bien marcaes que dibuxen sobre l'ala un patrón axedrezáu. Melanargia lachesishttp://www.asturnatura.com/especie/melanargia-lachesis.html Melanargia lachesis http://www.eurobutterflies.com/sp/lachesis.php Melanargia lachesis - imáxenes
Descripción Estremase de la mayoría d'especies del mesmu xéneru pola ausencia de barra negra tresversal metanes la celda de l'ala anterior. Comparte esta carauterística con Melanargia galathea, de la que s'estrema, sicasí, por non presentar na parte cimera de la celda una franxa de color gris tan ancha y por non presentar na base de les ales la mesma importante espardimientu escuru. Les manches negres son más amenorgaes que nesa especie. Ye una caparina relativamente grande, pudiendo algamar los individuos más grandes un valumbu de 6 cm.
Amás tien una peculiaridá, los sos cromosomes (2n: diploides) son 24, dos xuegos de 12 cromosomes.
Área de distribución Trátase d'una especie esencialmente ibérica anque tamién presente nel sureste de Francia, onde llega hasta'l Ródano.
Ciclu vital Univoltina, tan solo reparase nuna única xeneración, que vuela en plenu branu de xunu a agostu. Envierna como guxanu.
Plantes nutricies Les gates aliméntense de distintes especies de gramínees.
Referencies
Guía Tom Tolman & Richard Lewington (2002). Guía de les caparines d'España y Europa. Lynx Edicions.
Categoría:Entomoloxía Categoría:Inseutos non amenazaos Categoría:Artrópodos Categoría:Arthropoda Categoría:Inseutos d'Europa Categoría:Lepidoptera Categoría:Nymphalidae Categoría:Melanargia