thumb|250px|Vorotnaberd Vorotnaberd (n'armeniu: Որոտանաբերդ), tamién conocíu como Castiellu de David Bek) ye una importante fortaleza a lo llargo d'una cresta con vistes a la gargantada del ríu Vorotan, ente les llocalidaes de Vaghatin y Vorotan na provincia de Syunik d'Armenia. El castiellu-fortaleza alcuéntrase a 1.365 metros sobre'l nivel del mar.
Historia Vorotnaberd foi destruyida delles vegaes por invasiones estranxeres. Nel añu 1104 y dablemente tamién en 1219 la dinastía selyúcida atacó la fortaleza y el cercanu monesteriu de Vorotnavank a 3 quilómetros al noroeste. Ivane Zakarian lliberó'l castiellu del poder del enemigu y pasó'l control de Vorotnavank y Voronaberd a Liparit Orbelian perteneciente a la noble familia d'Orbelian, que ficieron les igües nel cercanu monesteriu pa consiguir el so nuevu funcionamientu.
Otres invasiones que sufrió la fortaleza foi la de los mongoles-tártaros alredor de 1236, y más tarde foi sitiada pol exércitu de Timur Lenk en 1386. Mientres los asedios de les fuerces estranxeres utilizóse un pasadizu soterrañu que la coneutaba col ríu Vorotan.
En 1724 David Bek, un militar armeniu, tomó'l control de Vorotnaberd entós sol poder del Melik Baghri, esti incidente fixo que les persones que vivíen na rexón empezaren a llamar a la fortaleza pol nome del Castiellu de David Beck».
Galería
Ver tamién Llista de castiellos d'Armenia
Referencies
Enllaces esternos
Categoría:Castiellos d'Armenia