Junonia coenia ye una caparina perteneciente a la familia de los ninfálidos. Puede atopase en Manitoba, Ontario, Québec y Nueva Escocia, amás de la gran mayoría de los Estaos Xuníos, quitando'l noroeste, América Central y Colombia. La subespecie Junonia coenia bergi ye un endemismu de les islles Bermudes. Los sos hábitats son árees abiertes con vexetación baxa y daqué de suelu descubiertu.
Descripción
Adultu La so coloración ye principalmente marrón, con tonalidaes que van del colloráu al mariellu. La especie carauterízase pol so diseñu de manches qu'asemeyen güeyos y en forma de barres.
Güevu Los güevos son esferoidales y son asitiaos nel meristemo o sobre la parte inferior de la fueya.
Pupa La crisálida tien una coloración marrón, con partes escures y puntiaes de negru. Suspéndese nun robezu cremáster.
Dieta Les canesbes aliméntense d'una variedá de plantes qu'inclúin miembros de la familia Scrophulariaceae, tamién Plantago, Acanthus y Ruellia nodiflora.
Los individuos adultos aliméntense de néctar y tamién tomen fluyíos de la folla y el sable húmedu. Los machos posen sobre'l suelu ensin yerba o con plantes baxes, vixilando y buscando a les femes, anque s'hai de dicir qu'esta especie nun ye territorial. Los adultos aliméntense del néctar d'estes flores: Apocynum spp. L. (Apocynaceae) Aster spp. L. (Asteraceae) Bidens spp. L. (Asteraceae) Centaurea spp. L. (Asteraceae) Cichorium intybus L. (achicoria común, Asteraceae) Grindella spp. Willd. (Asteraceae) Mentha piperita L. (Menta piperita, Lamiaceae)
Referencies Jim P. Brock, Kenn Kaufman (2003). Butterflies of North America. Boston: Houghton Mifflin. ISBN 0-618-15312-8.
Jeffrey Glassberg (1999). Butterflies through Binoculars'' : The East A Field Guide to the Butterflies of Eastern North America. New York: Oxford University Press. ISBN 0-19-510668-7. James A. Scott (1986). The Butterflies of North America: A Natural History and Field Guide. Stanford, California: Stanford University Press. ISBN 0-8047-2013-4. Bermuda Department of Conservation Services, Buckeye Butterfly page Common buckeye en Bugguide.net Butterflies of North America Carolina Nature--accessed 8 May 2006
Referencies
Enllaces esternos
Categoría:Junonia