Sebastián Pascual Tejerina , conocíu nel mundu del arte como Pascual Tejerina, foi un pintor asturianu.
Foi unu de los pintores más populares d'Asturies y la so obra considérase la otra cara de la moneda de la de Nicanor Piñole y Evaristo Valle, yá que nella destacaba la lluminosidá y el color, en contraposición a la d'estos pintores, muncho más tenebrosa y dominada pola borrina. Los sos retratos y paisaxes fueron mui del gustu de la burguesía xixonesa. Arriendes d'eso, la so popularidá caltúvose pola reproducción de dellos de los sos cuadros n'almanaques, que llegaron a tar enmarcaos en munches cases.
El 30 de xunu de 1975 ye elixíu Académicu Correspondiente por Asturies de la Real Academia de Belles Artes de San Fernando.
Los movimientos de vanguardia dientro del arte asturianu consideraron a Pascual Tejerina como anticuáu y comercial.
Referencies
Enllaces esternos
Categoría:Pintores d'Asturies Categoría:Persones de Xixón