Óliver Laxe ye un actor, direutor y guionista de cine gallegu. Nel 2010, ganó'l Premiu Fipresci del Festival Internacional de Cine de Cannes pola so película Todos vós sodes capitáns. Nel 2016, ganó'l Gran Premiu de la Selmana de la Crítica de Cannes polo so trabayu en Mimosas.
Trayeutoria Fíu de padres gallegos, volvió con ellos a Galicia en 1988. N'estudiando n'A Coruña y Pontevedra coló a Barcelona a estudiar cine na Universidá Pompeu Fabra.
La so filmografía empieza en Londres, onde xunto a Enrique Aguilar rodó la curtametraxe E as chemineas decidiron escapar (2006). Depués treslladóse a Tánxer, onde rodó les curtametraxes Suena una trompeta, ahora veo otra cara (2007) y París #1, coles que llogró dellos premios en certámenes cinematográficos.
Ellí creó'l proyeutu Dao Byed, un taller cinematográficu pa los neños probes del Magreb. D'esta esperiencia, inspirada n'otra similar de León Tolstoi con neños llabradores rusos, salió la so primera longametraxe, Todos vós sodes capitáns (2009) cola que ganó'l premiu FIPRESCI nel Festival Internacional de Cine de Cannes 2010.
Rodó tamién a longametraxe Mimosas, nome del hotel en ruines onde Tennessee Williams empezó a escribir Cat on a Hot Tin Roof.
Filmografía Como direutor Todos vós sodes capitáns (2010) Mimosas (2016) O que arde (2019) Sirāt (2025) Como actor Todos vós sodes capitáns (2010) Moussem les morts (2010) The Sky Trembles and the Earth Is Afraid and the Two Eyes Are Not Brothers (2015) Love Me Not (2019)
Referencies
Enllaces esternos
Categoría:Actores y actrices d'España Categoría:Direutores de cine d'España Categoría:Guionistes de cine d'España Categoría:Persones de París