Gulli Charlotta Petrini foi una física, escritora, suffragette, activista polos derechos de les muyeres y política sueca. Foi la presidenta de la caña llocal de la Landsföreningen för kvinnans politiska rösträtt (Asociación Nacional pal Sufraxu de les Muyeres) en Växjö nos años 1903-1914, y n'Estocolmu nos años 1914-1921. Amás formó parte del conceyu de Växjö a favor de los lliberales nos años 1910 a 1914.

Biografía Gulli Petrini foi fía Carl Jacob Rossander y Emma Maria Godenius. Graduóse en la Wallinska skolan en 1887, y consiguió el doctoráu (philosophiæ doctor) na Universidá d'Uppsala en 1901. En 1902 casóse con otru estudiante y compañeru so, Henrik Petrini. Trabayó como profesora na escuela d'educación secundaria pa muyeres en Växjö ente 1902 y 1906, y como profesora en distintes escueles pa moces n'Estocolmu ente los años 1914 y 1931.

Petrini interesóse nel movimientu feminista mientres estudiaba na Universidá d'Uppsala na década de 1890, onde amás solía frecuentar el círculu radical de Ann-Margret Holmgren. El so interés por dichu movimientu viose inspiráu na so vida privada, que nun foi convencional. Sofitada por un padre progresista, asistió a la universidá inda cuando yera daqué revesosu pa una muyer de la dómina. Tamién foi una profesional a pesar de contraer matrimoniu nun periodu nel que la sociedá nun contemplaba que les muyeres casaes tuvieren que caltenese por cuenta propia. Arreyóse viviegamente na política en 1904, n'apuntándose na caña llocal de la Landsföreningen för kvinnans politiska rösträtt en Växjö, y llueu se convertiría nuna figura prominente nel movimientu pol sufraxu femenín en Suecia.

Ver tamién Feminismu Suffragette

Fontes Barbro Hedvall (2011). Susanna Eriksson Lundqvist. rede.. Vår rättmätiga plats. Om kvinnornas kamp för rösträtt.. Förlag Bonnier. ISBN 978-91-7424-119-8 Gulli C Petrini, urn:sbl:7193, Svenskt biografiskt lexikon (art av Hjördis Levin), hämtad 2015-09-05.

Referencies

Enllaces esternos

Categoría:Escritores de Suecia Categoría:Escritores en suecu Categoría:Persones d'Estocolmu Categoría:Feministes