La enfermedá del sueru aguda, prototipu d'una enfermedá por inmunocomplexos sistémica o xeneralizada, ye una reaición producida en contra de les proteínes (qu'actúen como antíxenos) circulantes del sueru. Foi descrita per primer vegada por Clemens Von Pirquet y Béla Schick en 1906.
Etiopatoxenia Produzse por un escesu relativu d'antíxenos circulantes, que formen inmunocomplexos pequeños que persisten na circulación. Asocede al alministrar sueros heterólogos en cantidaes abondes que son reconocíos como estraños y por tanto se comporten como xenoantíxenos, dando llugar a la formación d'anticuerpos contra ellos, provocando qu'apaezan nel organismu inmunocomplexos que se depositen y producen el dañu.
Síntomes Los síntomes puen tardar hasta 40 díes n'apaecer tres la esposición, y puen incluyir signos y síntomes comúnmente asociaos a reaiciones alérxiques o infeiciones, tales como eflorescencia, artralxa, fiebre, linfadenopatíes y afeutación del estáu xeneral. Otros signos inclúin amenorgamientu de la presión arterial o inclusive choque, coma, glomerulonefritis y proteinuria. Pue imitar a una reaición alérxica inmediata como tamién una reaición alérxica tardía.
Tratamientu Descontinuación del axente que produció la reaición, lo que lleva a que los síntomes desapaezan en 1-2 díes. Corticoides: puen ser prescritos nes formes más graves. Antihistamínicos L'usu de plasmaféresis tamién foi descritu, anque namái pa los casos más graves.
Referencies
Categoría:Enfermedaes