250px|left|thumb|Minería de fosfatu en Togu. La pequeña economía de Togu depende de l'agricultura comercial y de subsistencia, qu'emplega'l 65 % de la so fuercia de trabayu. Cacáu, café y algodón xeneral el 40 % de los ingresos d'esportación, siendo l'algodón el más importante productu esportáu. Aun así ye necesariu importar dellos alimentos básicos. Dellos productos destinaes al consumu internu son el maíz, la mandioca y el miyu que dexen nestos momentos garantizar un mínimu alimenticiu a los togolesos.
Togu ye'l cuartu productor mundial de fosfatu de qu'esisten cerca de 60 millones de Tm en reserves, estrayendo daqué más de 1 millón añal. Los mayores problemes de les esplotaciones deriven de la falta d'inversiones teunolóxiques nos procesos industriales y de captación del material y l'escosamientu de les mines de más fácil accesu. La principal industria del país ye la estracción mineral.
El comerciu ta circunscrito cuasi n'esclusiva a Lomé que, al traviés del so puertu, enría la mayoría de les esportaciones ya importaciones a Malí, Níxer y Burkina Fasu, según les reexportaciones de productos como pitos, arumes y vehículos de segunda mano.
La emisión de sellos postales ye tamién una importante fonte d'ingresu pa la so economía.
Togu abasna una delda importante pol procesu de industrialización qu'entamó nos años 1970, sobre manera n'industria manufacturera (testil, etc). Esto coincidió coles ayudes del Fondu Monetariu Internacional pa un axuste económicu, al pie de préstamos del Bancu Mundial, que tuvieron de ser renegociaos en 1994 ante'l fracasu de les polítiques de privatización y el descensu del nivel d'empléu y empobrecimiento social. Esta situación, sicasí, nun ameyoró y el país alcuéntrase pendiente de la condonación de toa o parte de la delda esterna en 2005 de conformidá cola política entamada pola Xunión Europea y Estaos Xuníos d'América.
Referencies
Togu Categoría:Togu