José Manuel García-Margallo y Marfil ye un políticu español, miembru del Partíu Popular.Figueras, Amanda. Foi ministru d'Asuntos Esteriores y de Cooperación del Gobiernu d'España dende'l 22 d'avientu de 2011 hasta'l 4 de payares de 2016, magar dende'l 20 d'avientu de 2015 foi en calidá de ministru en funciones.
Enantes foi miembru del Parllamentu Européu dende 1994, onde desempeñaba'l cargu de vicepresidente de la Comisión d'Asuntos Económicos y Monetarios dende 1999. Amás, foi condecoráu cola Gran Cruz del Méritu Civil (1982) y la Orde del Méritu Constitucional (1983).
Biografía
Formación y carrera profesional Cursó estudios de bachilleratu colos Xesuites, nel colexu San Ignacio de Loyola Ikastetxea de Donostia. Siguió cola so formación na Universidá de Deusto onde estudió Derechu y Economía, revalidando'l primeru de dichos títulos ante'l correspondiente Tribunal del Estáu cola calificación de sobresaliente (1965). En 1968 ganó les oposiciones a inspeutor téunicu fiscal del Estáu, pasando a desempeñar dichu cargu en Castelló y Gipuzkoa. Nel añu 1973 llogró'l International Tax Program de la Harvard Law School, llogrando'l grau de Master of Law pola mesma universidá, con especialización en Derechu Societario y Regulación del Mercáu de valores.
En 1974 foi nomáu xefe del Serviciu d'Estudios y Programación de la Secretaría Xeneral Téunica del Ministeriu de Facienda y en 1982 ponente del Tribunal Económicu Alministrativu Central. Como profesor universitariu impartió clases na Facultá de Derechu de Donostia. Coles mesmes foi profesor del máster en Comunidaes Europees de la Universidá Politéunica de Madrid y de fiscalidá comuñal nel Institutu d'Empresa de Madrid. En 2004, llogró'l doctoráu en Derechu pola Universidá Miguel Hernández d'Elx cola tesis doctoral titulada Una apuesta por el modelu europeo de bienestar.
Carrera política izquierda|miniaturadeimagen|366x366px|Candidatura de UCD al Congresu por Valencia. García-Margallo en segundu llugar. Empezó la so andadura política bien llueu, yá que ingresó nes Xuventudes Monárquiques Españoles (JUME) en 1960. Años más tarde, no que se llamó la Transición Española, foi miembru fundador de la Fundación d'Estudios Independientes (FEDISA), del Partíu Popular de José María de Areilza y Pío Cabanillas (1976) y, darréu, de la Unión de Centru Democráticu (UCD) (1977).
Escoyíu diputáu nes Cortes Constituyentes de 1977 foi nomáu direutor xeneral de Desenvolvimientu Comuñal del Ministeriu de Cultura, cargu que desempeñó ente los años 1977 y 1979. Reelixíu como diputáu nes eleiciones d'esi añu foi nomáu presidente de la Comisión de Pidimientos, pa pasar a ser en 1981, secretariu xeneral del Grupu Parllamentariu Centrista y secretariu de Formación de UCD. En 1986 foi escoyíu diputáu por Valencia por Coalición Popular; siendo nomáu secretariu de les Rellaciones Internacionales de la Democracia Cristiana (antes PDP). En 1989 y 1993, repite como diputáu por Valencia, esta vegada pol Partíu Popular, pasando a ser voceru d'Economía y Facienda.
Escoyíu diputáu al Parllamentu Européu na llexislatura 1994-1999, pasó a desempeñar nel mesmu, los cargos de vicepresidente de la Subcomisión d'Asuntos Económicos y Monetarios, vicepresidente de la Delegación p'América Central y Méxicu y presidente del Intergrupo de Servicios Financieros. Nuevamente reelixíu diputáu nes eleiciones de 1999, ostentó los cargos de vicepresidente de la Comisión d'Asuntos Económicos y Monetarios y de la Delegación p'América Central y Méxicu. Tres les eleiciones de 2004, foi vicepresidente de la Comisión d'Asuntos Económicos y Monetarios del Parllamentu Européu y presidente de la Delegación pa les Rellaciones colos países de la Comunidá Andina.
El 22 d'avientu de 2011 foi nomáu ministru d'Asuntos Esteriores y de Cooperación del Gobiernu d'España.
Ministru d'Asuntos Esteriores y Cooperación Como otros munchos gobiernos occidentales, el 29 de mayu de 2012 el Gobiernu español decide espulsar d'España al embaxador de Siria en respuesta a la matanza de Hula na que fueron asesinaes 108 persones, d'elles 49 neños y 34 muyeres, la mayoría executaes poles milicies favorables al presidente siriu Bachar al Asad. García-Margallo que s'atopaba en Londres afirmó que l'oxetivu de la midida ye «alzar un berru de protesta contra les salvaxaes que se tán produciendo en Siria». Xunto col embaxador, Husam Edim Ala, fueron espulsaos otros cuatro miembros de la embaxada, ente ellos un coronel de la policía política, al que s'acusa d'espiar a la oposición siria n'España.«Occidente aísla a Damasco al expulsar a diplomáticos sirios».
Familia Ye sobrín-nietu de Juan García-Margallo y Cuadrado, capitán del Reximientu de Caballería Acorazáu Alcántara 10, que finó en 1921 al pie de otros 550 militares cuando protexíen el repliegue de les tropes españoles dende les sos posiciones n'Annual hasta Monte Arruit, mientres la Guerra del Rif. Tamién ye bisnietu de Juan García y Margallo, xeneral y gobernador de Melilla, que finó na llamada Guerra de Margallo.
Publicaciones El Impuesto sobre el Valor Añadido. Editorial de Derecho Financiero. 1985 El Impuesto sobre el Valor Añadido: Reglamento, consultas y contabilización. Editorial de Derecho Privado. 1986 Una reforma fiscal para España. LID. 1996 Financiación de las Comunidades Autónomas y corresponsabilidad fiscal. Fundación Bancaixa. 1996 La Apuesta Europea: de la Moneda a la Unión Política. Estudios de política exterior. S.A. Biblioteca Nueva. 1998 (en collaboración con Íñigo Méndez de Vigo) El Papel de la Política de la Competencia en la Construcción Europea. Instituto de Estudios Europeos de la Universidad San Pablo-CEU. 2000 Análisis del Sistema de Financiación Autonómica: Bases para un nuevo modelo. Bancaja. 2000 Ahorro y Fiscalidad en España. Caja de Ahorros del Mediterráneo. 2001 Unión Europea y América Latina: Frente a los desafíos de la globalización. CELARE. 2001 Apuesta por España. Editorial RIE 2009 The Financial Turmoil and the Exit Strategy. Editorial RIE 2010 Carta desde Tres Parllamentos. Editorial Planeta 2009 La Clave está en Europa. Editorial RIE 2009 Cinco Años de Parlamento Europeo (I y II).Editorial La Sirena 2009 Europa, Historia de una Ambición.Ediciones RIE 2010 Frente a la crisis, más Europa. EPP Group 2010 Europa y el porvenir. Atalaya 2016
Reconocencies Gran Cruz de la Orde del Méritu Civil (1982)Ministerio de Asuntos Exteriores: «Real Decreto 1325/1982, de 23 de junio, por el que se concede la Gran Cruz de la Orden del Mérito Civil a los señores que se citan». Gran Cruz de la Orde El Sol de Perú (2015)
Referencies
Enllaces esternos
Categoría:Wikipedia:Mantenimientu:Persones ensin plantía NF Categoría:Políticos y polítiques d'España Categoría:Políticos y polítiques de la Unión de Centru Democráticu