Malé (dhivehi: މާލެ), ye la capital de la República de les Maldives. La ciudá alcuéntrase na islla de Malé, nel cantu sur del atolón de Malé nel atolón Kaafu. Ye sede del gobiernu y el centru de negocios, comercial, empresarial, sanitariu y educativu. Tien una población d'aproximadamente 105.000 persones, alredor d'un terciu de la población del país.
Una base d'hidroaviones y un fondeaderu de barcos alcuéntrense na islla. Malé ye un centru del comerciu de cocos, freba de corteza de cocu, palmeres, copra y conches. L'Aeropuertu Internacional de Malé ta na vecina islla d'Hulhule. Dellos proyeutos de tierres ganaes al mar espandieron el puertu.
La islla ta totalmente urbanizada, la ciudá tomó esencialmente tol terrén. Ta estremada en cuatro árees; Henveiru, Galolhu, Maafannu y Machangolhi, otres 3 árees de la ciudá atópense fora de la islla de Malé, Vilimalé na islla de Villingili, Hulhumalé na islla artificial del mesmu nome y Hulhule otra islla au s'atopa l'aeropuertu.
Historia En 1953 intentó establecese una república pero pocos meses dempués reimpúsose'l sultanatu, siendo Malé la capital del mesmu, en 1968 foi reinstaurada la república, siguiendo como la capital.
En 2004 inauguróse la sesta división de la ciudá llamada Hulhumalé, una islla artificial poblada dende esi mesmu añu, el 26 d'avientu de 2004, asocedió'l devastador terremotu en Sumatra (Terremotu del Océanu Índicu de 2004) y el tsunami posterior anubrió dos terceres partes de la ciudá. El tsunami y el terremotu causaron 220.000 muertos a lo llargo de tol Océanu Índicu.
thumb|left|Imaxe del tsunami qu'afaró amplies rexones del sureste asiáticu y llegó hasta Malé.
El 29 de setiembre de 2007 españó una bomba cerca d'una mezquita, mancando a 12 turistes. Considérase la primer bomba qu'españó na ciudá.Siquier dolce turistes mancaos na esplosión d'una bomba nes Maldives en Elpais.com
Etimoloxía El nome Malé ta tomáu de la pallabra Mahaalay, que provién del idioma sánscritu. El nome deriva de maha, que significa "grande" o "gran", y aalay, que significa "casa". De normal la pallabra Mahaalay úsase pa denomar el palaciu d'un rei o la capital (islla del rei) en sánscritu, p. ex., Mahaalay del Rei Asok. Sicasí, los cuentos tradicionales suxeren un orixe distintu del nome.
El conxuntu enteru d'islles, Les Maldives, recibe'l nome del sánscritu. Mal (milenta) y dives (islles). Milenta islles, una y bones La República de les Maldives compónse de 1196 islles.
Servicios Nesta ciudá pueden atopase tolos servicios básicos, amás cunta con bancos, numberosos caxeros automáticos y la mayoría de les empreses de courier internacionales. Tien dellos centros de salú, como l'Hospital Indira Gandhi Memorial (IGMH), que ye'l mayor del país, y na salú privada l'Hospital ADK ye'l más importante. En Malé tamién s'atopa la mezquita más grande del país, Friday Mosque. Esiste tamién un serviciu de taxis, que'l so valor máximu ta reguláu pol gobiernu.
Divisiones
Nr. División Área(hai)PoblaciónCensu 2006Densidá CoordenaesSitiu 1 Henveiru 59,123.59739.927,2 Islla Malé 2 Galolhu 27,619.41470.340,6...Islla Malé 3 Machchangolhi 32,619.58060.061,3...Islla Malé 4 Maafannu 75,929.96439.478,3...Islla Malé 1-4 Malé (Islla) 195,292.55547.415,5 Islla Malé 5 Vilimalé 31,86.95621.874,2...Islla Villingili 6 Hulhumalé 200,92.8661.426,6...Islla artificial - Hulhule 151,91.316866,4...Islla Aeropuertu - Gulhi Falhu ---...islla aeropuertu en proyeutu Malé (ciudá) 579,8 103.693 17.884,3
Bibliografía Xavier Romero Frías, The Maldive Islanders, A Study of the Popular Culture of an Ancient Ocean Kingdom. Barcelona 1999, ISBN 84-7254-801-5
Referencies
Enllaces esternos
Categoría:Llocalidaes de Maldives