Elisabet Canalias Vila ye una matemática y inxeniera aeroespacial española especialista nel cálculu de trayectories interplanetaries, conocida pola so participación nes operaciones d'aterrizaxe de la sonda Philae sobre'l cometa 67P/Txuriúmov-Herassimenko. Na actualidá trabaya nel Centru Nacional d'Estudios Espaciales de Tolosa.
Trayeutoria Llicenciada en matemátiques pola Universitat Politéunica de Cataluña y doctora n'Inxeniería Aeroespacial, presentó la so tesis doctoral en 2007 sol títulu «Contribución al diseñu de misiones a los puntos de llibración utilizando variedaes invariantes hiperbóliques». Dende entós y hasta'l 2009 siguió la so investigación sobre esta tema con un contratu de posgráu na Axencia Espacial Europea.
El 2010 formó parte del equipu d'operaciones de l'Axencia Espacial Europea que fizo realizar a la sonda Rosetta el sobrevuelu del asteroide Lutetia na so trayeutoria escontra'l cometa 67P/Txuriúmov-Herassimenko. A partir del 2013 pasó a formar parte del Centru d'Operaciones Científiques y de Navegación (SONC) de Philae na Axencia Espacial Francesa. Como miembru del equipu de Dinámica del Vuelu (SONC-FD), participó nel analís de misión y a los cálculos de trayeutoria que conducieron en 2014 a la eleición de la rexón llamada Agilkia como llugar d'aterrizaxe de Philae. Trabayó nel centru de control mientres les operaciones de separación, descensu y aterrizaxe de Philae, según nos estudios posteriores al rebote de la sonda sobre la superficie del cometa.
Anguaño ye unu de les espertes de referencia na Axencia Espacial Francesa (CNES) polos estudios de trayeutoria de les misiones interplanetaries con participación d'esta axencia (en particular les d'accesu a los pequeños cuerpos, como la misión MASCOT ). Forma parte igualmente del equipu d'operaciones pola puesta n'órbita de los satélites de navegación Galileo.
Referencies
Enllaces esternos
Categoría:Persones de la provincia de Girona Categoría:Matemáticos y matemátiques d'España Categoría:Inxenieros ya inxenieres aeroespaciales d'España