Historia de la infancia
La historia de la infancia foi una tema d'interés n'historia social dende la publicación en 1960 del influyente llibru Centuries of Childhood, escritu pol historiador francés Philippe Ariès. Él argumentaba que la infancia” ye un conceutu creáu pola sociedá moderna. Ariès estudió pintures, llábanes, muebles, ya historiales escolares y afayó qu'antes del sieglu XVII los neños yeren representaos como pequeños adultos.
Otros estudiosos han enfatizado que nin na Edá Media nin na temprana Edá Moderna el cuidu de los neños yera indiferente, negliente, o brutal. Faciendo fincapié na probeza preindustrial y l'alta mortalidá infantil (con un terciu o más de los ñácaros morriendo), les práutiques pal cuidu de los neños representaben el comportamientu fayadizu nestes circunstancies. Ariès señala un estensu cuidu paternal mientres la enfermedá, un dolor pola muerte de los neños, sacrificios per parte de los padres pa maximizar el bienestar infantil, y un gran cultu a la infancia nes práutiques relixoses.Stephen Wilson, "The myth of motherhood a myth: the historical view of European child-rearing," Social History, May 1984, Vol. 9 Issue 2, pp 181-198 thumb|right|300x300px|Neños Xugando, pol artista de la Dinastía Song La so Hanchen, c. 1150 AD. Preindustrial y medieval Los historiadores asumieren que les families tradicionales na yera preindustrial arreyaben a la familia estensa, con güelos, padres, fíos y quiciabes otros familiares viviendo toos xuntos y lideraos por un patriarca vieyu. Hubo exemplos d'esto nos Balcanes – y en families aristócrates. Sicasí, el típicu modelu na Europa Occidental yera la senciella familia nuclear col home, esposa y los sos fíos (y quiciabes un sirviente, que podría ser un pariente). Los neños yeren unviaos davezu como sirvientes p'ayudar a los parientes que lu precisaren.King, "Concepts of Childhood: What We Know and Where We Might Go," Renaissance Quarterly (2007)
Na Europa medieval hubo un modelu de les distintes etapes de la vida, que marcaba cuando empezaba la infancia y cuando terminaba. Un nuevu ñácaru yera un eventu notable. Los nobles empezaben darréu a pensar nun matrimoniu que beneficiara a la familia. Los cumpleaños nun yeren grandes eventos yá que los neños celebraben el día del santu pol cual yeren nomaos. Les lleis eclesiásticu y anglosaxón consideraben a los neños iguales a los adultos pa dellos propósitos, y distintos pa otros.Nicholas Orme, Medieval Children (2003)
La educación nel sentíu de formación yera la función esclusiva de les families pa la mayoría de los neños hasta'l sieglu XIX. Na Edá Media, col fin de producir sacerdotes, les principales catedrales cuntaben con programes educativos destinaos a un númberu amenorgáu d'adolescentes. Les universidaes empezaron a apaecer pa formar médicos, abogaos, funcionarios y, mayormente, sacerdotes. Les primeres universidaes apaecieron alredor del añu 1100; - la Universidá de Boloña en 1088, la Universidá de París en 1150 y la d'Universidá de Oxford en 1167. Los estudiantes ingresaben cuando teníen tan solo 13 años y quedábense mientres 6 o 12 años.Olaf Pedersen, The First Universities (1997).
Temprana edá moderna
Na Inglaterra de la dómina isabelina, la tresmisión de les normes sociales yera una tema familiar y a los neños enseñábase-yos cómo portase y a respetar a los demás. Dellos mozos allegaben a la grammar school, de normal col sacerdote local como profesor.
Mientres el sieglu XVII, un cambéu nes actitúes filosóficu y social escontra los neños y la noción de “infancia” empezó n'Europa. Los adultos víen cada vez más a los neños como seres aisllaos, inocentes y precisaos de la proteición y la formación de los adultos al so alredor. El filósofu inglés John Locke yera particularmente influyente al definir esta nueva actitú escontra los neños, especialmente con al respective de la so teoría de la tabula rasa, promulgada na so Ensayu sobre l'entendimientu humanu, publicáu en 1690. Na filosofía de Locke, tabula rasa yera la teoría de que la mente (humana) ye una cayuela en blancu” al nacer, ensin regles pa procesar datos, y esos datos son añadíos y les regles pal procesu son formaes puramente poles mesmes esperiencies sensoriales. Un corolariu d'esta doctrina yera que la mente del neñu nacía en blancu, y que yera deber de los padres imbuyir al neñu coles nociones correutes. El mesmu Locke enfatizó la importancia d'aprovir al neñu con llibros prestosos” pa desenvolver les sos mentes en llugar d'usar la fuercia pa imponeles; “los neños pueden ser engañaos p'aprender les lletres; aprender a lleer, ensin percibilo como daqué más qu'un deporte, y xugar ellos mesmos a daqué para lo que los demás son azotaos.”
Mientres el periodu tempranu del capitalismu, l'aumentu d'una clase media grande y comercial, principalmente nos países protestantes d'Holanda ya Inglaterra, traxo consigo una nueva ideoloxía familiar centrada na educación de los neños. El puritanismu aprofiaba la importancia de la salvación individual y la esmolición pol bienestar espiritual de los neños. Reconocióse llargamente que los neños teníen los sos propios derechos pal so bienestar. Esto incluyía los derechos de los neños probes al sustentu, membresía nuna comunidá, educación y formación llaboral. La Llei pal Socorru de los Probes na Inglaterra isabelina dio la responsabilidá a cada parroquia de curiar a tolos neños probes del área.Vivian C. Fox, "Poor Children's Rights in Early Modern England," Journal of Psychohistory, Jan 1996, Vol. 23 Issue 3, pp 286-306
Yera de la Ilustración
thumb|left|The Age of Innocence c.1785/8. Reynolds enfatizaba la gracia natural de los neños nes sos pintures|264x264px La noción moderna de la infancia cola so propia autonomía y metes empezó a remanecer mientres la Ilustración y el periodu románticu que lu siguió. Jean Jacques Rousseau formuló l'actitú romántica escontra los neños na so famosa novela del 1762 Emilio, o De la educación. Basándose nes idees de John Locke y otros pensadores del sieglu XVII, Rousseau describió la infancia como un curtiu periodu de santidá primero que la xente atopar colos peligros y les dificultaes de la edá adulta. “¿Por qué robar a estes inocentes criatures de les allegríes que pasen tan apriesa?,” declaró Rousseau. “¿Por qué enllenar con amargura los fugaces díes de la infancia, díes que nun van tornar nin pa ellos nin pa usté?”David Cohen, The development of play (2006) p 20
Estes nueves actitúes pueden discernise a partir de la dramática medría de les representaciones artístiques de los neños de la dómina. En llugar de representar a los neños como pequeñes versiones de los adultos llevando a cabo tarea típicamente “adultes”, yeren incrementalmente amosaos como física y emocionalmente distintes y yeren davezu usaos como una alegoría de la inocencia. Les estenses semeyes de neños de Sir Joshua Reynolds demostraben claramente les nueves actitúes ilustraes escontra los neños pequeños. El so cuadru de 1788 La Edá de la Inocencia, enfatiza la inocencia y la gracia natural de la neña que posa y llueu se convirtió nún de los favoritos del públicu.
Mientres esti periodu, la educación de los neños fíxose más común ya institucionalizada, col fin d'aprovir a la Ilesia y al Estáu con funcionarios pa sirvir como los sos futuros alministradores. Escueles pequeñes locales onde los neños aprendíen a lleer y a escribir fueron establecíes por filántropos, mientres los neños y neñes de les élites noble y burgués recibíen educaciones distintes nes grammar schools y universidaes.Carolyn C. Lougee, "'Noblesse,' Domesticity, and Social Reform: The Education of Girls by Fenelon and Saint-Cyr", History of Education Quarterly 1974 14(1): 87–113
Los derechos de los neños so la llei
Col entamu de la industrialización n'Inglaterra, una creciente división ente l'idealismu románticu para cola infancia y la realidá del aumentu de la esplotación infantil na zona llaboral, fíxose cada vez más aparente. Anque'l trabayu infantil yera común na dómina preindustrial, xeneralmente los neños solíen ayudar a los sos padres col cultivu o los oficios artesanales. A finales del sieglu XVIII, sicasí, los neños yeren emplegaos especialmente nes fábriques y mines como limpiachimeneas,Laura De la Col, West Virginia University, The Life of the Industrial Worker in Nineteenth-Century England davezu trabayando llargues hores en trabayos peligrosos por un salariu baxu.Barbara Daniels, Poverty and Families in the Victorian YeraN'Inglaterra y Escocia en 1788, dos tercios de los trabayadores en 143 fábriques d'algodón de accionamiento hidráulicu fueron descritos como neños."Child Labour and the Division of Labour in the Early English Cotton Mills". Douglas A. Galbi. Centre for History and Economics, King's College, Cambridge CB2 1ST. Na Gran Bretaña del sieglu 19, un terciu de les families probes escarecíen de daquién que ganara'l pan, como resultáu de muerte o abandonu, obligando a munchos neños a trabayar dende una temprana edá.
right|frame|Nes mines de carbón, los neños solíen gatiar por túneles bien baxos y estrechos pa los adultos.Jane Humphries, Childhood And Child Labour in the British Industrial Revolution (2010) p 33 A midida que avanzaba'l sieglu, la contradicción ente les condiciones nel terrén pa los neños probes y la noción que la clase media tenía sobre la infancia, considerada un tiempu d'inocencia, resultó nes primeres campañes pola imposición de proteición llegal pa los neños. Los reformistes atacaron a la esplotación infantil a partir de los años 1830, reafitaos poles horrible descripciones que fizo Charles Dickens sobre la vida caleyera de Londres.Amberyl Malkovich, Charles Dickens and the Victorian Child: Romanticizing and Socializing the Imperfect Child (2011) La campaña que llevó a l'Acta de Fábriques foi encabezada por ricos filántropos de la era, especialmente Lord Shaftesbury, quien introdució proyeutos de llei nel Parllamentu p'apangar la esplotación de los neños nel llugar de trabayu. En 1833 introdució l'Acta de Diez Hores de Trabayu nel derechu anglosaxón, que establecía que los neños que trabayaren na industria del algodón y la llana teníen de tener 9 años o más; nenguna persona per debaxo de los 18 años tenía de trabayar más de diez hores al día o ocho hores los sábados; y naide per debaxo de los 25 años tenía dexáu trabayar peles nueches.Battiscombe, p. 88, p. 91. Les intervenciones llegales al traviés del sieglu aumentaron la proteición de los neños, a pesar de la prevalencia de l'actitú laissez-faire victoriana para cola intervención gubernamental. En 1856, la llei dexaba'l trabayu infantil a partir de los 9 años mientres 60 hores a la selmana. En 1901, la edá llaboral permisible pal trabayu infantil alzar a los 12 años."The Life of the Industrial Worker in Nineteenth-Century England". Laura De la Col, West Virginia University.The Factory and Workshop Act 1901
Infancia moderna