Jadranka Kosor ye una antigua periodista y política croata, qu'asumió'l cargu de Primer ministra de Croacia dempués de la dimisión d'Ivo Sanader, el 6 de xunetu de 2009. Foi sustituyida n'avientu de 2011 por Zoran Milanović, vencedor de les eleiciones llexislatives d'esi añu.
Biografía Nacida'l 1 de xunetu de 1953 en Pakrac. Estudió derechu na Universidá de Zagreb. En 1972 trabayó como periodista pal diariu Večernji list (Diariu de la tarde, en llingua croata). Mientres la guerra d'independencia de Croacia (1991-1995), Kosor trabayó como periodista de Radio Zagreb, ocupándose sobre manera de temes de los refuxaos y los tullíos de guerra. Tamién fixo cróniques pa la BBC.
Publicó dos llibros de poesía y dos sobre la independencia de Croacia.
Amás del croata nativu, fala inglés y alemán, como llingües estranxeres.
Política En 1995 foi escoyida miembru del parllamentu y vicepresidenta de la cámara de representantes, hasta l'añu 2000. Nel so partíu, la Unión Democrática Croata tamién foi escoyida Vicepresidenta en 1995. En 2003 foi nomada Vizprimer Ministru nel gobiernu de Ivo Sanader y Ministra de la Familia, de Veteranos y de la Solidaridá Interxeneracional.
En 2005, Kosor allegó a les eleiciones a la presidencia de Croacia y foi ganada pol incumbente Presidente Stjepan Mesić, que cuntaba col soporte de la coalición del centru esquierdaNew York Times (n'inglés)
Designada candidata a Primer Ministra de Croacia al dimitir por sorpresa Ivo Sanader el 1 de xunetu de 2009. Al preparar p'aportar al puestu de primer ministru declaró que les sos prioridaes van ser superar la crisis económica y aportar como miembru a la Xunión Europea y combatir la corrupción.Crónica del encargu del presidente Stjepan Mesic pa formar gobiernu Dempués del votu del parllamentu croata, el 6 de xunetu de 2009, asocede a Ivo Sanader como novena primer ministra de Croacia dende la independencia en 1991.Crónica llocal del votu nel parllamentu (n'inglés)
Nes eleiciones d'avientu de 2011, el HDZ foi llargamente superáu por una coalición de centru esquierda, polo que Zoran Milanovic, del Partíu Socialdemócrata de Croacia, reemplazó nel cargu a Kosor.
Referencies
Enllaces esternos
Biografía per Fundación CIDOB (n'español)
Categoría:Primeros ministros de Croacia Categoría:Periodistes de Croacia Categoría:Poetes en croata Categoría:Xefes de gobiernu Categoría:Políticos y polítiques demócrata-cristianos de Croacia