Margaret Rutherford DBE .
Biografía Rutherford nació nel suburbiu londinense de Balham, siendo la fía única de William Rutherford Benn y la so esposa. El so padre careció de problemes mentales mientres dellos años y el 4 de marzu de 1883 cutió al so propiu padre hasta matalo.
Siendo una neña, Rutherford foi llevada a la India, pero al morrer la so madre tornó a Gran Bretaña con trés años d'edá pa vivir cola so tía Bessie Nicholson. Foi educada na Wimbledon High School y na Royal Academy of Dramatic Art.
Primeramente, Rutherford trabayó como maestra d'elocución y nun foi hasta más palantre na so vida cuando empezó carrera como actriz al faer el so debú teatral nel Old Vic en 1925 a la edá de 33 años. La so apariencia física torgó-y llograr papeles d'heroína romántica y llueu llogró fama en papeles cómicos, apaeciendo en munches de les películes britániques más esitoses de mediaos del sieglu XX. En munchos d'estos filmes, interpretaba papeles que yá representara en teatru. En 1945, casóse col actor Stringer Davis y, en munches ocasiones, apaecíen xuntos en filmes.
Nos años 1950, Rutherford y Davis adoptaron a Gordon Langley Hall, quien más tarde se convertiría n'escritor. Hall tuvo una ciruxía de reasignación de sexu cuando s'afayó que fuera confundida con un home al nacer y camudó el so nome por Dawn Langley Simmons. So esti nome escribió una biografía de Rutherford en 1983.
En 1961, Rutherford interpretó a Miss Marple nuna serie de cuatro películes basaes vagamente nes noveles d'Agatha Christie. Rutherford, quien tenía 70 años entós, aportunó en vistir la so propia ropa pa interpretar el personaxe de la detective y que'l so maríu apaeciera xunto con ella.
Rutherford ganó un Óscar y un Globu d'Oru a la meyor actriz de repartu pola so actuación en The V.I.P.s como la Duquesa de Brighton al llau d'Elizabeth Taylor y Richard Burton.
En 1961 foi nomada Oficial de la Orde del Imperiu Británicu (OBE) y, en 1967 foi alzada a Dama Comandante (DBE).
Rutherford sufrió de la enfermedá d'Alzheimer mientres los sos últimos años. Morrió'l 22 de mayu de 1972 a los 80 años y foi soterrada nel campusantu de la St. James Church en Gerrards Cross (Buckinghamshire). Cuando'l so maríu morrió n'agostu de 1973, foi enterráu xunto a ella. Rutherford yera prima del políticu Tony Benn.
Filmografía
Referencies
Enllaces esternos
Categoría:Ganadores del premiu Óscar a la meyor actriz de repartu Categoría:Actores y actrices de cine d'Inglaterra Categoría:Actores y actrices de teatru d'Inglaterra