Maud Leonora Menten foi una doctora canadiana que realizó importantes apurras nel área de la cinética enzimática xunto cola histoloxía.
Estudió na Universidá de Toronto, onde llogró los graos B.A. y M.B. en 1904 y 1907, respeutivamente. Nel so máster d'investigación estudió la distribución de cloru nos nervios, célules y fibres. Menten pasó un añu (1912) na Universidá de Berlín trabayando con Leonor Michaelis, mientres el cual derivaron el modelu matemáticu de la cinética enzimática qu'inclúi la constante de Michaelis-Menten.
Dempués foi a la Universidá de Chicago, onde llogró un doctoráu en bioquímica en 1916. Consiguió un puestu de profesora ayudante na facultá de medicina de la Universidá de Pittsburgh en 1923, y foi finalmente promovida a profesora en 1949, cuando tenía 69 años. Menten foi una muyer de gran capacidá y afición polos idiomes, la música y les belles artes.
Referencies
Enllaces esternos
Categoría:Médicos y médiques de Canadá Categoría:Químicos y químiques de Canadá Categoría:Persones d'Ontario