Hortensia María Herrero Chacón ye una empresaria española, vicepresidenta, conseyera y socia accionarial de Mercadona. Compatibiliza'l so trabayu empresarial col de la filantropía, presidiendo la fundación que lleva'l so nome, que dedícase fundamentalmente a la recuperación d'edificios históricos.
Biografía Hortensia nació en Valencia el 20 de mayu de 1950. Ye llicenciada en Ciencies Económiques pola Universidá de Valencia. En 1990, casóse col presidente y fundador de Mercadona, Juan Roig. El matrimoniu tuvo cuatro fíos: Hortensia, Carolina que trabaya na compañía, Amparo que como arquiteuta realizó proyeutos de valumbu pa la cadena d'hipermercaos y Juana.
Hortensia Herrero tien el 27,71% del accionariado de Mercadona, ye vicepresidenta de dicha compañía de supermercaos, y tien un patrimoniu netu superior a los 2.500 millones d'euros, que la asitia nel séptimu llugar de los españoles más potentaos en 2017, anque llegó a algamar el sestu puestu. Al pie del so home, que tien el 51%, algamen casi'l 80% del control total de la compañía líder en distribución española y tienen un patrimoniu conxuntu de 8.000 millones d'euros que convierte al matrimoniu na segunda mayor fortuna d'España.
Otres actividaes Paralelamente al so llabor empresarial, Hortensia Herrero empecipia'l so llabor filantrópicu y de mecenalgu creando la Fundación Hortensia Herrero con sede na ciudá de Valencia. Una entidá ensin ánimu d'arriquecimientu que ta dedicada a fomentar actividaes y proyeutos en diversos campos sociu-culturales y artísticos. Los oxetivos de la so fundación son los de recuperar, desenvolver y compartir la sensibilidá histórico y cultural de la Comunidá Valenciana. Les principales actuaciones tuvieron rellacionaes cola recuperación del patrimoniu artísticu y amás, punxo en marcha proyeuto rellacionaos col mundu de la danza, el ballet, la música y l'arte. Dalgunes de les sos principales actuaciones tocantes a la recuperación del patrimoniu artístico y cultural fueron:
Ilesia de San Nicolás de Valencia. Colexu del Arte Mayor de la Seda. Ermita de Santa Lucía. Imaxe y camarín de la Virxe de los Desamparaos.
La Fundación collabora tamién con distintos proyeutos de sofitu ya impulsu de la cultura, como l'alianza cola Facultá de Belles Artes y el so máster de Producciones Audiovisuales y Multimedia, o'l sofitu a la iniciativa Abiertu Valencia, impulsada dende l'Asociación de Galeristes d'Arte Contemporáneo de Valencia. Amás, la Fundación Hortensia Herrero desenvuelve dende 2014 la celebración de la gala benéfica Valencia Danza / Somos Arte.
Reconocencies En 2014, Hortensia Herrero foi nomada fía predilecta de la ciudá de Valencia. En 2017 llogró la gran cruz de la Orde de Xaime I el Conquistador[http://www.argos.gva.es/es/institucional/premios-9-doctubre/condecoraciones-de-la orde-de-jaume-i-el-conqueridor/ Condecoraciones de la Orde de Xaime I el Conquistador y l'Alta Distinción de la Generalitat Valenciana.
Enllaces esternos Fundación Hortensia Herrero
Referencies
Categoría:Empresarios y empresaries de la Comunidá Valenciana Categoría:Filántropos y filántropes d'España Categoría:Empresarios y empresaries d'España Categoría:Persones de València