Los Beskides (Beskidy en polacu, Beskydy en checu y eslovacu, Бескиды en rusu, Бескиди n'ucraín ) ye'l nome tradicionalmente atribuyíu a una socesión de macizos montascosos nel este de la República Checa, al noroeste d'Eslovaquia, al sur de Polonia y al oeste d'Ucraína..
Les dimensiones de los Beskides son d'aproximadamente 600 km de llargu y 50 a 70 km d'anchu. estendiéndose dende la rexón de Moravia a Ucraína pasando pel norte de los montes Tatra. Les llendes occidentales de los Beskides nun tán claros: les fontes más antigües asítiase nes fontes de Tisza. Les fontes más recién asitien les llendes orientales de los Beskides nel col de Ushok na frontera polaco-ucraniana. El puntu más eleváu del macizu depende de la definición de les sos llendes, el picu más altu de lo so parte occidental ye'l Babia Góra (Babia Hora) na frontera polaco-eslovaca.
La mayor parte de los Beskydy son parte de los Cárpatos occidentales esteriores. El baxu Beskid (Nízke Beskydy n'eslovacu, Beskid Niski en polacu) y los montes Bieszczady al este son parte de los Cárpatos orientales.
Los Beskides son ricos en montes y carbón. Fueron d'antiguo ricos en minerales fierro, y creáronse grandes fábriques en Ostrava y Trinec.
Esisten munches atraiciones turístiques incluyendo ilesies históriques de madera y estaciones d'esquí de popularidá creciente.
Referencies
Enllaces esternos
Beskidzki Serwis Internetowy (en polacu) Beskydy (en checu)
Categoría:Cordales d'Europa Categoría:Ecorrexones de Chequia Categoría:Ecorrexones d'Ucraína Categoría:Ecorrexones de Polonia Categoría:Ecorrexones d'Eslovaquia