Going My Way ye una película d'Estaos Xuníos de 1944.
Repartu
Comentariu A partir d'una historia propia, Leo McCarey dirixó esta película onde s'honra al sacerdociu, y preséntase a un miembru d'esti oficiu de serviciu a los demás dotáu d'una gran simpatía, entrañablemente interpretáu pol gran Bing Crosby. La cinta foi la gran trunfadora nos Oscar de 1944, y algamó tal ésitu de públicu qu'anició una secuela, The Bells of St. Mary's, na qu'a Bing Crosby sumaríase la gallardoniada Ingrid Bergman. Llogró siete estatuilla y foi nomada a otros trés premios.
Argumentu
Esta ye la historia d'un nuevu sacerdote, Chuck O'Malley (Bing Crosby), que llega a la ilesia de Saint Dominic en calidá de nuevu párrocu. Les sos nueves idees fadrán-y entrar en bracéu col padre Fitzgibon (Barry Fitzgerald), muncho más severu y tradicional. Sicasí, el so llabor colos mozos del barriu, colos que forma un coru na parroquia (llegando inclusive a grabar un discu), y el so sofitu a una moza que decidió abandonar la so casa y qu'acaba namorándose del fíu del emprestador que quier embargar a la ilesia, fadrán-y ganase el ciñu de toos.
Gallardones
Premios Oscar 1944 Meyor película Meyor direutor: Leo McCarey Meyor actor principal: Bing Crosby Meyor actor de repartu: Barry Fitzgerald Meyor argumentu: Leo McCarey Meyor guión adautáu: Frank Butler y Frank Cavett Meyor cantar: James Van Heusen y Johnny Burke ("Swinging on a Star")
Otres nominaciones Meyor actor principal: Barry Fitzgerald Meyor fotografía en blancu y negru: Lionel Lindon Meyor montaxe: Leroy Stone
Referencies
Enllaces esternos
Categoría:Películes dramátiques d'Estaos Xuníos Categoría:Películes de Paramount Pictures Categoría:Ganadores del premiu Óscar a la meyor película Categoría:Ganadores del premiu Óscar al meyor cantar orixinal Categoría:Ganadores del Globu d'Oru a la meyor película dramática Categoría:Películes de 1944