Arsenio González Álvarez foi un actor de teatru y dramaturgu asturianu.
Entamó la so trayeutoria como actor na Sala Buenos Aires en 1951Páxina web de la Cía Asturiana col grupu de teatru del Hogar de Pumarín y a lo llargo de la so carrera participó en delles compañíes como la de Rafael Sánchez, el Grupu Talía de Tremañes y Llorea y el Grupu Esquilo de l'Agrupación Artística Xixonesa. Foi unu de los artífices de la puesta en valor del teatru costumista asturianu y de la recuperación, en 1986, de la Compañía Asturiana de ComediesMorrió l'actor Arsenio González, símbolu del teatru asturianu polo que llogró bien de premios y reconocencia.
Foi ún de los más aclamaos y queridos actores asturianos de finales del sieglu XX y d'entamos del XXI, pola granible interpretación de los papeles de característicu, al altor d'otru de los grandes de la comedia asturiana, José Manuel Rodríguez. "La Ratonera", númberu 17, mayu de 2006
Morrió víctima d'una leucemia'l miércoles 18 d'ochobre de 2017 en Xixón, los 86 años.Fallece a los 86 años el dramaturgo y actor Arsenio González
Dramaturxa Anque'l mesmu González nun se consideraba a sigo mesmu autor"La Ratonera", númberu 37, febreru de 2007, los sos testos formen parte del patrimoniu dramáticu asturianu. Robló una decena d'obres de xéneru dramáticu costumista asturianu, ente comedies en tres actos (Asturias patria querida, Hay otros güeyos, La trastá, El tramposu/El boleru de Chano, El tratu de Chiripa, Xiga, el Repe, Y orbayando...) y sainetes (Los figos de San Miguel, Güela por necesidá, La declaración), además d'innumerables estampes y cuadros cómicos (¿Quién manda en casa?, La ludópata, La vieyera, Los décimos o El recateo).
L'Academia de la Llingua Asturiana asoleya en 1997 na so coleición "Mázcara"Coleición "Mázcara" de l'ALLA el volume Tres comedies, que recueye tres obres d'Arsenio González: El boleru de Chano, La Declaración y Los figos de San Miguel.
Pola so parte, en 2008, el Gremiu d'Editores d'Asturies y la Federación de Grupos de Teatro Amateur del Principado de Asturias (FETEAS) espubliza'l títulu Teatro en Asturiano, onde s'inclúi la comedia en tres actos orixinal de González Hay otros güeyos.
D'énte estes obres hai que destacar La Trastá La Trastá, dirixía por Eladio Sánchez (2009) (estrenada en 1963) y El tramposuEl tramposu, dirixía por Eladio Sánchez (2009) (estrenada pola Compañía Asturiana de Comedias en 2009) por ser exemplos de la recuperación de les formes clásiques del teatru costumista asturianu n'actualidá.
El sainete Los figos de San Miguel (que, xunto a La declaración, tamién de so, y Pitición de mano, d'Antón de la Braña, supunxo la torna de la Compañía Asturiana de Comedias en 1986, baxo la direición d'Eladio Sánchez) lleva más de 125 representaciones dende entós y ye, según Xosé Bolado García, ún de los trunfos d'esti tipu de teatru de costumes asturianesHistoria de la Lliteratura Asturiana, coor. Miguel Ramos Corrada, 2002. Capítulu "El Surdimientu. El Teatru", Xosé Bolado García, p. 708..
Filmografía Xicu'l toperu La neña los mios güeyos 7337 Puntu Carne de Gallina
Referencies
Enllaces esternos
Categoría:Actores y actrices d'España Categoría:Escritores d'Asturies Categoría:Persones de Xixón