Presidente de la República dende'l 9 de marzu de 2016.
Biografía Nacíu'l 12 d'avientu de 1948 en Lisboa, ye fíu de Baltazar Rebelo de Sousa, antiguu gobernador colonial de Mozambique y ministru salazarista. Entró a estudiar Derechu na Universidá de Lisboa en 1966. Rebelo de Sousa, qu'ingresó nel Partíu Socialdemócrata en 1974, foi diputáu de l'Asamblea constituyente (1975-1976). Nel VIII Gobiernu Constitucional, presidíu por Francisco Pinto Balsemão, exerció primero de Secretariu d'Estáu de la Presidencia del Conseyu de Ministros dende'l so nomamientu'l 4 de setiembre de 1981, pa darréu ser nomáu ministru d'Asuntos Parllamentarios en xunu de 1982.
Tres el resultáu de les eleiciones llexislatives de 1983 formó parte del sector del PSD contrariu a algamar un pactu de coalición col Partíu Socialista. N'avientu de 1989 la so candidatura a la Cámara Municipal de Lisboa foi ganada pola candidatura del socialista Jorge Sampaio.
Lideró'l PSD dende 1996 hasta 1999, cuando anque percanció'l sofitu internu del partíu pa conformar un gobiernu de coalición col CDS-PP de Paulo Portas sol nome d'Alternativa Democrática, arrenunció al cargu, soterrándose'l proyeutu y asocediéndo-y José Manuel Durão Barroso.
Foi candidatu nes eleiciones presidenciales de Portugal de 2016, comicios que ganó na primer vuelta con mayoría absoluta. Tomó posesión del so cargu'l 9 de marzu del mesmu añu, convirtiéndose nel séptimu presidente de la República dende la Revolución de los Claveles.
Bibliografía
Referencies
Categoría:Políticos y polítiques de Portugal Categoría:Persones de Lisboa