L'Uviéu Booling Club ye un equipu español d'e hockey sobro patinos, de la ciudá d'Uviéu, Asturies. Compite na OK Lliga Bronce.
Historia
Tres la disolución formal del históricu Club Patín Cibeles en rematando la temporada 1986/87 nel sestu puestu de la División d'Honor, un nuevu club cola denominación d'Oviedo Hockey Club inscríbese na temporada 1987-88 de la máxima categoría, calteniendo la plaza qu'ocupaba'l Cibeles. Esa temporada coincide na División d'Honor col Club Patín Santo Domingo, equipu recién xubíu que nació como equipu federáu na cantera del Colexu Santu Domingu d'Uviéu, y utilizaba la denominación comercial d'El Chico-Santo Domingo por motivos de patrociniu. L'Oviedo Hockey Club baxa esi añu de categoría a Primer División, ente que'l Santu Domingo caltúvose en División d'Honor. Al añu siguiente, en rematando la temporada 1988-89, dambos clubes fundiéronse adoptando la denominación de Club Patín Cibeles Santo Domingo, nome col que caltuvo la plaza del Santo Domingo en División d'Honor a partir de la temporada 1989-90, ente que la plaza del Oviedo H.C. en Primer División foi ocupada por un equipu filial col nome de Cibeles Promesas.
En 1994, y por cuenta de graves desavenencies ente dellos directivos, socios y xugadores, produzse la primera gran dixebra nel Cibeles Santo Domingo, creándose'l Club Patín Roller Oviedo. Esi mesmu añu, tamién se funda n'Uviéu otru nuevu club, l'Oviedo Booling Club, con un grupu de xugadores qu'hasta esi momentu formaren parte del Club Centro Asturianu d'Uviéu.
En 1997, el Club Patín Cibeles Santo Domingo reconviértese nel Club Patín Cibeles, denominación igual a la del históricu equipu sumíu, pero esta vegada por cuenta de motivos comerciales, una y bones el principal patrocinador del equipu yera chocolates La Cibeles, hasta 2001. A partir de 2001 entren diversos patrocinadores, y l'equipu va camudando de denominación: Deasa Cibeles, que ta dende 2002 hasta 2004, y dempués Esfer Oviedo y Adico Oviedo.
En 1999 treslládase al Polideportivu Municipal "Pepín Moreno" de Fozaneldi y xube a División d'Honor, anque acaba baxando y xugando dos años consecutivos en Primer Nacional. Na temporada 2002-03 xube ensin munchos problemes a OK Lliga, pero baxa de nuevu la temporada 2003-04. Na 2004-05 xube de nuevu a OK Lliga, pero nun se consigue la permanencia. La temporada 2006-07 ye una temporada deportivamente falando casi perfecta, apostando la final de la I Copa SAR el Príncipe celebrada n'Uviéu y ganando la OK Lliga Plata. Sicasí ye una de les peores temporaes de la historia na tema extradeportivo, con diversos problemes económicos y disciplinarios. Por cuenta de ello, na temporada 2007-08 produzse la segunda dixebra nel club, cola creación del Club Patín la Corredoria, que formen casi la metá de el xugadores del Esfer Uviéu de la temporada 2006-07. Na temporada 2007-2008 acaba la OK Lliga n'última posición con 8 puntos, la menor puntuación de la historia del club, y baxa a OK Lliga Plata. En xineru de 2009 produzse la retirada del equipu de la OK Lliga Plata per falta de fondos y el club ye sancionáu con 9.000 euros de multa.
Na temporada 2009-10 l'Oviedo Booling Club, nacíu en 1994 con un equipu de la categoría Senior B a partir de xugadores del Club Centro Asturianu d'Uviéu, que llegara a xugar na categoría de Senior Nacional -actual OK Lliga Plata- na temporada 2000-01 y que desenvolvía la so actividá nel Colexu Públicu de La Ería, absuerbe al Esfer Oviedo al traviés d'una fusión, pasando a desenvolver la so actividá nel Polideportivu Municipal “Pepín Moreno” de Fozaneldi d'Uviéu y forxándose como'l Club que ye anguaño.
Les categoríes inferiores del club llograron distintes clasificaciones a "Sectores" y campeonatos d'España, según una clasificación a la Eurockey Cup sub-17 nel añu 2017.
Foi unu de los equipos participantes na I edición de la OK Lliga Bronce, llogrando l'ascensu matemáticu a falta de trés xornaes a la OK Lliga Plata 2019-20 en venciendo 7-1 al Escola Lubiáns. Sicasí, por motivos económicos baxó a la OK Lliga Bronce na temporada 2019/20 y deportivamente a la categoría Primera Autonómica d'Asturies na 2020/21. Entá asina, na temporada 2024/25, l'equipu senior llogró l'ascensu OK Lliga Bronce como primer clasificáu na Lliga rexonal.
Referencies
Enllaces esternos Web oficial
Categoría:Clubes de ḥoquei sobre patinos d'Asturies Categoría:Deporte n'Uviéu Categoría:Wikipedia:Revisar traducción