Amelia Andersdotter ye una política sueca que foi escoyida como eurodiputada pola llista del Partíu Pirata Suecu nes Eleiciones al Parllamentu Européu de 2009 en Suecia. Yera la segunda opción na papeleta, detrás de Christian Engström, y asumió'l cargu gracies a la ratificación del Tratáu de Lisboa.
Andersdotter vive en Lund y yera estudiante d'economía y español na Universidá de Lund, sicasí decidió retirase de los sos estudios, pa dedicase por completu a la so actividá política como MEP. Dende 2007 foi miembru del direutoriu d'Ung Pirat ("Mozu Pirata"), la mocedá del Partíu Pirata.
Nuna entrevista col periódicu estudiantil de la Universidá de Lund, Andersdotter anunció qu'en casu de ser electa donaría parte de les sos remuneraciones como eurodiputada, a Attac, Ordfront, Amnistía Internacional, y UNIFEM."Amelia 2.0" de lundagard.se (Suecia), publicáu'l 1 de xunu de 2009
Perdió'l so escañu en 2014, depués de que'l so partíu nun pudiera ganar representación nuevamente nes eleiciones europees d'esi añu. Referencies
Enllaces esternos
Entrevista en Telegraph.co.uk Sitiu oficial del Partíu Pirata Suecu Sitiu oficial del Parllamentu Européu Sitio del Partíu Pirata Chilenu
Categoría:Activistes del copyright Categoría:Eurodiputaos y eurodiputaes de Suecia Categoría:Pirates de Suecia Categoría:Políticos y polítiques de Suecia