El Presidente del Estáu Plurinacional de Bolivia ye'l xefe d'Estáu, Capitán Xeneral de les Fuercies Armaes, y el Xefe de Gobierno. Xunto col Vicepresidente y los ministros d'Estáu de Bolivia, conformen el órganu executivu.
El Presidente y Vicepresidente son escoyíos nuna mesma papeleta por sufraxu direutu. El so mandatu tien una duración de cinco años. Evo Morales ye'l presidente que más vegaes foi reelixíu y ganáu los comicios. La nueva Constitución camuda'l métodu pa decidir la fórmula ganadora. De nun haber una mayoría absoluta yá nun va ser escoyida pola Asamblea Llexislativa, sinón al traviés de la segunda vuelta.
Historia En Bolivia hubo en total 88 distintos gobiernos ente constitucionales, interinos y de facto, con 65 presidentes, siendo'l primeru Simón Bolívar y el postreru Evo Morales Ayma.
Presidentes con mayor llonxevidá De los 65 presidentes que tuvo Bolivia, namái cinco algamaron o pasaron la edá de 90 años; son los siguientes (por edá y fecha): Presidente Eliodoro Villazón Montaño, que nació'l 22 de xineru de 1848 mientres el gobiernu del xeneral y presidente José Miguel de Velasco. Llegó a vivir hasta'l 12 de setiembre del añu 1939, finando a los 91 años d'edá mientres el gobiernu del presidente Carlos Quintanilla Quiroga.
Presidente Hugo Ballivián Rojas, que nació'l 7 de xunu de 1901 mientres el gobiernu del presidente José Manuel Pando. Llegó a vivir hasta'l 15 de xunetu del añu 1996, finando a los 95 años d'edá mientres el primer gobiernu del presidente Gonzalo Sánchez de Lozada.
Presidente Víctor Paz Estenssoro, que nació'l 2 d'ochobre de 1907 mientres el primer gobiernu del presidente Ismael Montes Gamboa. Llegó a vivir hasta'l 7 de xunu del añu 2001, finando a los 93 años d'edá, mientres el segundu gobiernu del presidente Hugo Banzer Suarez.
Presidenta Lidia Gueiler Tejada, que nació'l 28 d'agostu de 1921 mientres el gobiernu del presidente Bautista Saavedra Mallea. Llegó a vivir hasta'l 9 de mayu del añu 2011, finando a los 89 años d'edá, mientres el segundu gobiernu del presidente Evo Morales Ayma.
Presidente David Padilla Arancibia, que nació'l 13 d'agostu de 1927 mientres el gobiernu del presidente Hernando Siles Reyes. Llegó a vivir hasta'l 25 de setiembre del añu 2016, finando a los 89 años d'edá, mientres el tercer gobiernu del presidente Evo Morales Ayma.
Presidentes de la República de Bolivia
Actualidá Na actualidá queden con vida siete de los 65 presidentes que tuvo Bolivia, que son (por edá):
Nome !Fecha de nacenciaEdá !Llugar de nacenciaGonzalo Sánchez de Lozada1 de xunetu de 1930 La PazGuido Vildoso Calderón5 de xunetu de 1937 CochabambaJaime Paz Zamora15 d'abril de 1939 CochabambaCarlos Mesa Gisbert12 d'agostu de 1953 La PazEduardo Rodríguez Veltzé2 de marzu de 1956 CochabambaEvo Morales Ayma26 d'ochobre de 1959 OruroJorge Quiroga Ramírez5 de mayu de 1960 Cochabamba
Referencies
Bibliografía Carlos D. Mesa Gisbert: Presidentes de Bolivia: ente urnes y fusiles (el poder executivo, los ministros d'estáu). 2a. Edición. Editorial Gisbert. La Paz. 1990
Enllaces esternos Presidencia de Bolivia
Bolivia Bolivia